Хаартыска: ааптар түһэриилэрэ
Бүгүн, олунньу 12 күнүгэр, СӨ Бырабыыталыстыбатын Бэрэссэдээтэлин солбуйааччы Сергей Местников салайар бөлөҕө Ытык-Күөлгэ Элбэх өҥөнү оҥорор успуордунан дьарыктанар уонна доруобуйаны бөҕөргөтөр успуорт комплексын тутуутун көрдө, үлэ хаамыытын кытта билистэ.
Суолталаах тутууну «Монтажник» производственнай кэпэрэтиип салайааччыта, СӨ үтүөлээх тутааччыта, Арассыыйа Бочуоттаах тутааччыта Александр Ханин салайан ыытар. Кини Бырабыыталыстыба Бэрэссэдээтэлин солбуйааччы Сергей Местниковка үлэ хаамыытын билиһиннэрдэ.
Улахан үлэ бара турар эбит. Эбийиэк сүрүн үлэтэ муус устарга түмүктэнэн, аны ис-тас тупсарыы үлэтэ барыаҕа.
«Монтажник» ПК солбуйар бэрэссэдээтэлэ Руслан Платонов иһитиннэрбитинэн, бу тэрилтэ 8 тыһ. кв.м. иэннээх Элбэх өҥөнү оҥорор успуордунан дьарыктанар уонна доруобуйаны бөҕөргөтөр успуорт комплексын таһынан, Ытык Күөл соҕуруу өттүгэр 3 тыһыынча миэстэлээх стадиону тута сылдьар.
«Элбэх өҥөнү оҥорор успуорт комплексыгар баскетболга, мини-футболга, гимнастикаҕа, йогаҕа, тииргэ күрэхтэһиилэр уонна өбүгэлэрбит төрүт күрэхтэрэ буолуоҕа» диэн билиһиннэрдэ Руслан Платонов.
Баараҕай эбийиэк Тааттааҕы лицейи сэргэстэһэ турар буолан, Ытык Күөл киэн тутуутунан буолар эбийиэктэр улуус киинин олус киэргэтэллэр.
Тохсунньу – Таҥха Хаан Айыы ыйа. Оттон 2025 сыл – Иэйиэхсит ийэ Хотун сыла. Тохсунньу …
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…