Элбэх кыбартыыралаах дьиэҕэ баһаар буолла

Бэҕэһээ, сэтинньи 14 күнүгэр, Дьокуускайга Ленин уулуссатыгар турар тоҕус этээстээх дьиэҕэ баһаар буолла. Баһаарынайдар кэлиилэригэр дьиэ аһаҕас уотунан умайа турбут.
Дьокуускайдааҕы баһаарынай сулууспа дьуһуурунай симиэнэтин салайааччыта Алексей Беспалов иһитиннэрбитинэн, баһаарга 11 тиэхиньикэ, 42 баһаарынай сулууспа үлэһиттэрэ кыттыбыттар. Умайа турар дьиэттэн 14 киһини таһаарбыттар. Биир да киһи эмсэҕэлээбэтэх. Баһаары бохсор быстах кэмҥэ дьиэ үрдүнэн уот уонна гаас ситимнэрэ араарыллыбыттар. Тоҕус этээстээх дьиэҕэ 68 кыбартыыра баар. Ититии араарыллыбатах.