Хаартыска: СИА.
Кэлиҥҥи сылларга эрэгийиэннэр оҕолорго аналлаах элбэх социальнай хааччыйыыга тэрилтэлэрин саҥаттан уларытан тэрийбиттэр, аатын уларыппыттар. Ол эрээри, тэрилтэлэр саҥа ааттара, онно үлэлиир миэдиктэр саастарынан болдьоҕун иннинэ биэнсийэҕэ тахсар бырааптарын нуорма аактатыгар учуоттамматах. Үлэ министиэристибэтэ маны көннөрбүт, туһааннаах бирикээс кулун тутар 17 күнүттэн олоххо киирэр. Бу туһунан Парламент хаһыата суруйар.
Бырабыыталыстыба 2002 сыллааҕы уурааҕынан, сорох испииһэккэ киирэр тэрилтэлэр үлэһиттэрэ болдьоҕун иннинэ биэнсийэҕэ тахсар бырааптаахтар. Холобур, анал тииптээх психиатрическай балыыһалар, бары госпиталлар, поликлиникалар, хоспистар, оҕо дьиэлэрин, лепрозорийдар о.д.а. мэдиссиинэ үлэһиттэрэ.
Итини таһынан, анал хааччыйар, ол иһигэр оҕолорго аналлаах тэрилтэлэр үлэлэрин учуоттууллар. Ол эрээри, кэлиҥҥи сылларга тэрилтэлэри уларытан тэрийбиттэр, аатын уларыппыттар. Быраастар, сиэстэрэлэр эбээһинэстэрэ оннунан хаалбыт эрээри, саҥа ааттаах тэрилтэлэр испииһэккэ хапсыбат буолан, миэдиктэр үлэлэрин ыстааһа учуоттаммат эбит.
Үлэ министиэристибэтин бирикээһэ бу сөп түбэспэт буолууну көннөрбүт. Бирикээскэ оҕолорго аналлаах стационарнай уонна полустационарнай көрүҥнээх өҥө оҥорор тэрилтэлэр миэдиктэрин үлэлэрэ хапсар.
Эмиэ маннык быраабы тэрилтэҕэ уларыта тутуу кэнниттэн ыстаастара учуоттамматах педагогтар ылыахтара.
Миэдиктэри, педагогтары таһынан болдьоҕун иннинэ Арассыыйа атын категориялара биэнсийэҕэ тахсар бырааптаахтар. Холобур, ураты уонна доруобуйаҕа буортулаах усулуобуйаҕа үлэлээччилэр, уһук хоту сир олохтоохторо, элбэх оҕолоох ийэлэр диэн Судаарыстыбаннай Дуума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Светлана Бессараб кэпсээбит.
Холобур, уһук хоту үлэлиир эр дьон, өскөтүн 25 сылтан кырата суох ыстаастаах буоллахтарына болдьоҕун иннинэ 60 саастарыгар биэнсийэҕэ тахсыахтарын сөп, дьахталлар 20 сылтан кырата суох ыстаастаах буоллахтарына – 55 саастарыгар. Маныаха бу дьон уһук илин 15 сыл эбэтэр онно тэҥнэһэр сиргэ 20 сыл үлэлээбит буолуохтаахтар.
Бу туһунан Парламент хаһыата суруйар. Сиһилии манна ааҕыҥ.
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…