Салгыы
Элбэх оҕолоох аҕаларга успуорт тэрээһиннэригэр 50%-наах чэпчэтиини олохтуохтара

Элбэх оҕолоох аҕаларга успуорт тэрээһиннэригэр 50%-наах чэпчэтиини олохтуохтара

Ааптар:
20.10.2025, 10:30
Андрей Сорокин хаартыската, ЯСИА.
Бөлөххө киир:

«Сорок Сороков» быраабы харыстыыр киин успуорка лиигэлэригэр элбэх оҕолоох аҕаларга футбол, хоккей, баскетбол уонна волейбол  чөмпүйэнээттэрин матчтарын билиэттэригэр 50% чэпчэтиини киллэрэр туһунан этии киллэрдилэр.

Уопсастыбанньыктар санааларынан, маннык миэрэ демографияны көҕүлээһин уонна чөл олоҕу тарҕатыы национальнай соруктарыгар сөп түбэһэр. Быраабы харыстааччылар чуолкайдаабыттарынан, бу миэрэ элбэх оҕолоох ыалларга сынньалаҥнарыгар ороскуоттарын аччаталларыгар көмөлөһүөҕэ уонна бары өрүттэргэ уһун болдьохтоох социальнай уонна экэнэмиичэскэй барыһы аҕалыаҕа.

Чэпчэтии үп-харчы ноҕуруускатын чэпчэтиэ — элбэх оҕолоох ыаллар үксүн бүддьүөттэрэ кыра буолар. Чэпчэтиллибит сыананан матчтарга, турнирдарга уонна күрэхтэһиилэргэ сылдьар кыах төрөппүттэргэ маннык тэрээһиннэргэ ордук элбэхтик сылдьалларыгар уонна оҕолорун илдьэ барарга көмөлөһүө. Бу дьиэ кэргэн сыһыанын бөҕөргөтөргө, үтүө өйдөбүллэри хаалларарга уонна оҕолору көхтөөх олоххо  сыһыарыыга көмөлөһөр.

Уопсастыбанньыктар санааларынан, успуорт тэрээһиннэрин тэрийээччилэрэ уонна уопсайынан биисинэс эмиэ чэпчэтииттэн барыстаныахтара. «Бу дохуот сүтүүтүгэр тиэрдиэҕин  сөп эрээри, элбэх оҕолоох ыаллар улахан бөлөҕүнэн кэлэр кыахтаахтар, ол билиэт атыытын кээмэйэ улаатарын суотугар сыана түһүүтүн толуйуо уонна уопсай сылдьыыны 5-15% үрдэтиэн сөп», – диэн киин быһаарар.

Бары сонуннар
Салгыы
20 октября
  • -2°C
  • Ощущается: -7°Влажность: 69% Скорость ветра: 4 м/с

Сообщить об опечатке

Текст, который будет отправлен нашим редакторам: