Элбэх оҕолоох аҕалары байыаннай сулууспаттан босхолуур сокуон барыла оҥоһулунна

Госдуумаҕа элбэх оҕолоох аҕалары болдьоҕун иннинэ байыаннай сулууспаттан босхолуур туһунан сокуон барыла оҥоһулунна.

Ол курдук, үһүс эбэтэр онтон элбэх оҕоломмут аҕалары байыаннай сулууспаттан болдьоҕун иннинэ босхолуур туһунан быраап олоххо киириэҕэ. Сокуон барылын Госдуума көрүүтүгэр РФКП фракциятын дьокутаата Нина Останина уонна сенатор Айрат Гибатдинов киллэрдилэр.

Ааптардар быһааралларынан, федеральнай сокуонунан билигин элбэх оҕолоох аҕаларга байыаннай сулууспа болдьоҕун уһатарга быраап көрүллэр. Оттон саҥа бэлэмнэммит сокуон барылынан элбэх оҕолоох аҕалары байыаннай сулууспаттан болдьоҕун иннинэ босхолуур кыах бэриллиэхтээх.

Маннык нуорма быстах мобилизация кэмиттэн биир сыл ааспытын кэннэ эбэтэр хантараак болдьоҕуттан биир сылынан туһаныллыан сөп диэн парламентарийдар быһаараллар. Саҥа уларыйыы дьиэ кэргэни араҥаччылыырга уонна араас кутталлартан көмүскэнэллэригэр көмөлөһүөҕэ. Сокуон ылыныллар түгэнигэр биир ыйынан күүһүгэр киириэҕэ.