Элбэх оҕолоох бэтэрээн ийэлэри эҕэрдэлээтибит

Улуу Кыайыы 80 сылынан “Дьоллоох эйгэ” Элбэх оҕолоох ийэлэр сэбиэттэрэ уонна “Бигэ-таҕа дьиэ кэргэн” федеральнай партийнай бырайыак чилиэннэрэ элбэх оҕолоох бэтэрээн ийэлэргэ аадырыстаах эҕэрдэлэри тиэртибит. Бу дьиэ кэргэн хамсааһынын саҕалаабыт, төрүттэспит дьоҥҥо махталбыт буолар.

Дьокуускайдааҕы “Дьоллоох эйгэ” Элбэх оҕолоох ийэлэр сэбиэттэрин бэрэссэдээтэлэ Галина Сидорова көҕүлээһининэн элбэх оҕолоох ийэлэр бэйэбит спонсордары булан, ас-үөл атыылаһан, бэйэбит массыыналарбытынан кэрийэ сылдьан, ытыктабыллаах бэтэрээннэрбитин эҕэрдэлээтибит.

Маннык тэрээһиннэр бигэ-таҕа, доҕордуу дьиэ кэргэннэр үөскүүллэригэр төрүөт буолаллар, уопсастыба олоҕор көхтөөх саҥаттан саҥа көлүөнэ дьон киирэн иһэллэригэр олугу уураллар. “Дьоллоох эйгэ” Элбэх оҕолоох ийэлэр сэбиэттэрэ оҕолорбут кэскилин туһугар биһиэхэ кыттыһаргытыгар ыҥырабыт.

Харчынан, бородууктанан көмөлөспүт дьоммутугар — Еремеев Мичил Ариановичка, “Крылья” дьахталлар кулууптарыгар, ⁠Руснак Александра Геннадьевнаҕа, ⁠Иванова Нюргуяна Петровнаҕа, ⁠Колтовская Лена Александровнаҕа, ⁠Дьячковская Татьяна Николаевнаҕа, Виктория Григорьевна Петроваҕа, ⁠Максимова Екатерина Андреевнаҕа, ⁠Неустроева Надежда Спиридоновнаҕа, фруктанан көмөлөспүт ⁠Мирадилов Абдуллох Ахмаджоновичка барҕа махталбытын тиэрдэбит.

Чэмэлиинэ Скрябина.