Элбэх оҕолоох дьоҥҥо сир учаастагын оннугар эбии төлөбүр оҥоһуллуоҕа

Саха сиригэр элбэх оҕолоох ыалга сир учаастагын оннугар 300 тыһыынча солкуобай компенсация төлөбүрэ оҥоһуллуоҕа.

Бу туһунан быһа эпииргэ Ил Дархан Айсен Николаев “бырабыыталыстыбаҕа гражданнар харчынан толуйууга сайабылыанньалара түргэнник оҥоһулларын туһугар эбии үбү көрөргө сорудах бэрилиннэ. Быйыл элбэх оҕолоох ыалларга сир учаастагын оннугар төлөбүр 300 тыһыынча солкуобай бэриллиэҕэ. Онно сайабылыанньа биэрэр туһугар, олорор сиргитигэр баар социальнай көмүскэл уонна үлэ управлениетыгар, эрэгийиэннээҕи былаас өҥөлөрүн порталын нөҥүө эбэтэр «Мои документы» кииҥҥэ сайабылыанньа биэриэхтээххит”, — диэн бэлиэтээтэ Ил Дархан.