Хаартыска: СИА.
Аан дойду дьахталларын күнүн көрсө Ил Дархан Айсен Николаев элбэх оҕолоох ийэлэргэ судаарыстыбаннай наҕараадалары туттарда.
Ил Дархан Саха сирин бары дьахталларын, ийэлэрин эҕэрдэлээтэ. Кини Бэрэсидьиэн Владимир Путин Федеральнай Мунньахха Анал этиитигэр дьиэ кэргэттэри уонна ийэлэри өйүүргэ улахан болҕомтотун уурбутун санатта.
— Бары наҕараадаламмыт ийэлэр алаһа дьиэ араҥаччылааччылара, дьиэ кэргэн туллар тутаахтара буолаллар. Кинилэр үлэлэригэр да, уопсастыбаннай да, бэлитиичэскэй да олоххо олус көхтөөхтөр. Онон үгүстэргэ холобур буолаллар, үтүө дьону иитэн таһаараллар.
Бэрэсидьиэн: «Элбэх оҕолоох улахан дьиэ кэргэн уопсастыба олоҕор нуорма, судаарыстыба ыытар бэлиитикэтин ыйар суолдьута буолуохтаах», – диэн этэн турар. Бэрэсидьиэн көҕүлээһининэн саҥа «Дьиэ кэргэн» национальнай бырайыак үлэҕэ киириэҕэ. Онон дьиэ кэргэттэр олохторун уйгутун тупсарарга саҥа чэпчэтиилэр, көмө миэрэлэрэ баар буолуохтара. Арассыыйаҕа элбэх оҕолоох буолуу бочуоттаах буолуоҕа, — диэн Айсен Николаев эттэ.
«Ийэ Албан аата» бэлиэ 2 истиэпэнинэн 8 оҕолоох Иванна Докторова (Мэҥэ Хаҥалас), Тамара Панькова (Нам) наҕараадаланнылар.
«Ийэ Албан аата» 3 истиэпэнинэн 7 оҕолоох Евгения Васильева, Светлана Осипова (Нам), Юлия Корнилова, Сардана Николаева (Бүлүү), Варвара Николаева (Ньурба) бэлиэтэннилэр.
Ил Дархан Махтал суругунан Дьокуускайтан Альбина, Алексей Проценколар наҕараадаланнылар Кинилэр 14 оҕону: 5 бэйэлэрин уонна 9 иитиэх оҕолору иитэллэр.
«Гражданскай килбиэн» бэлиэнэн Марха уокуругун түөлбэтин бэтэрээннэр Сэбиэттэрин бэрэссэдээтэлэ Альбина Булгатова наҕараадаланна.
Ил Дархан, бырабыыталыстыба дьаһалтатын пресс-сулууспата.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…