Хаартыска: М.Васильева (ЯСИА)
Госдуумаҕа элбэх оҕолоохторго ийэ хамнаһын киллэрэргэ этии киллэрдилэр. Бу көҕүлээһин биэстэн элбэх оҕону иитэр дьахталларга анаан, үлэ төлөбүрүн алын кээмэйиттэн (МРОТ) кыра буолуо суохтаах төлөбүрү олохтуур.
Үлэ кодексатыгар уларытыылары киллэрии туһунан сокуон барыла РФ бырабыыталыстыбатыгар түмүк ыларыгар ыытылынна. Бу туһунан сенатор, РФ Коммунистическай баартыйатын Киин кэмитиэтин чилиэнэ Айрат Гибатдинов иһитиннэрдэ.
«Биэстэн элбэх оҕону иитэр, төрөппүт быраабыттан быһыллыбатах, РФ гражданина буолар үлэтэ суох дьахталлар, федеральнай бүддьүөт суотугар төлөнөр ийэ хамнаһын ылар бырааптаахтар. Бу категорияҕа киирэр гражданнар хамнастарын кээмэйэ үлэ төлөбүрүн алын кээмэйиттэн намыһах буолуо суохтаах», — диэн сокуон барылын тиэкиһин РИА Новости таһаарда.
Төлөбүрдэри кэнники үс оҕоттон саамай улаханнара 18 сааһын туолуор диэри оҥорорго былаанныыллар. Бу көҕүлээһини «демографическай куттал суох буолуутугар уонна Арассыыйа инникитигэр инвестиция» быһыытынан сыаналанар. Урут КПРФ-тан Госдуума дьокутааттара уонна сенатор Айрат Гибатдинов иккиттэн элбэх оҕолоох дьахталларга биэнсийэҕэ тахсар саастарын намтатарга этии киллэрэ сылдьыбыттара. Парламентарийдар билиҥҥи кэмҥэ үс оҕолоох ийэлэргэ маннык мэхэньииһим үлэлиирин санаттылар — кинилэр биэнсийэҕэ 57 саастарыгар тахсыахтарын сөп.
ИДьМ сулууспатын Ленскэй оройуонун отделын дьуһуурунай чааһыгар кыһыл көмүс сыабын уонна 6 тыһ. солкуобайын уорбуттарын…
Саха сиригэр уопсай үөрэхтээһин тиһигэр каадыр боппуруостарын быһаарарга туһуламмыт «Сетевой учуутал» бырайыак кэҥэтиллиэҕэ. Сөптөөх сорудаҕы…
«Дом.РФ» баан сабаҕалыырынан, Арассыыйа Киин Баанын сүрүн ыстаапката соторунан сыыйа намтаан барыа. Ол түмүгэр ырыынак…
Саха сиригэр «Ойууру авиация көмөтүнэн харыстыыр Дьокуускайдааҕы баазата» тэрилтэ Эдьигээн уонна Орто Халыма куораттарыгар тэриллэр…
Күннээҕи түбүк быыһыгар, чуолаан үөрэх эйгэтигэр төһө элбэх үлэ ыытылларын бу салааттан ыраах киһи иҥэн-тоҥон…
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов …