Хаартыска: https://www.sakha.gov.ru/
Кулун тутар 12 күнүгэр Москваҕа «Россия – Дом народов» Бүтүн Арассыыйатааҕы пуорум буолла. Тэрээһиҥҥэ Арассыыйа эрэгийиэннэриттэн итиэннэ тутулуга суох судаарыстыбалар холбоһуктарыттан уонна Францияттан бэрэстэбиитэллэр кытыннылар.
Саха сириттэн Уус Маайа улууһуттан Эдьээн сэлиэнньэтиттэн Ивановтар дьиэ кэргэн кытыннылар. Ыал ийэтэ Анна Иванова – өрөспүүбүлүкэтээҕи «Интернациональная педагогическая семья Якутии» бэстибээл Гран-при хаһаайката. Анна Константиновна Эдьээннээҕи орто оскуола психолога. Ивановтар түөрт уоллаахтар.
«Россия – Дом народов» пуорумҥа Саха сирин аатыттан кыттар биһиэхэ улахан чиэс. Туһааннаах пуорумнар үгэс буолбут сыаннастары харыстыырга дьоһун күүһүнэн буолаллар. Итиэннэ дьиэ кэргэн биһиги уопсастыбабыт сүрүн тирэҕэ буоларын өссө төгүл бигэргэтэр», – диэн Анна Иванова бэлиэтээтэ.
Тэрээһин дойду Аҕа баһылыга Владимир Путин биллэрбит Дьиэ кэргэн сылын итиинэн ыытылынна. Ил Дархан Айсен Николаев 2024 сылы Оҕо саас сылынан биллэрбитэ. Күн бүгүн өрөспүүбүлүкэҕэ 34 тыһыынча кэриҥэ элбэх оҕолоох дьиэ кэргэн баар. 2018 сыллаахха эрэгийиэҥҥэ «О статусе многодетной семьи в Республике Саха (Якутия)» диэн сокуон ылыныллыбыта. Биэс уонна онтон элбэх оҕолоох ыалларга олорор дьиэ туһунан бырагыраама оҥоһуллубута.
Өрөспүүбүлүкэтээҕи «Сахамедиа» медиа-кииҥҥэ «Дыгын оонньууларын» сэрэбиэйин ыыттылар Ааттаах-суоллаах турнир бары 16 кыттааччыта успуорт көрүҥнэринэн сэрэбиэй…
"Орто дойду" зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон…
Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.…
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара. Бу тэрээһин…
Быраастар мэдиссиинэ көрүүтүн эбэтэр диспансеризация кэмигэр суоппарга тимир көлөнү салайыыга бобор-хаайар ыарыыны буллахтарына, ГАИ иниспиэктэрэ…
ИДьМ сулууспатын Хаҥалас улууһунааҕы отделын дьуһуурунай чааһыгар олохтоох киһи 17 тыһ.солк. кэриҥэ сыаналаах бензопилата уоруллубутун…