Хаартыска: СИА
Саха сирэ оҕо төрөөһүнүн уонна нэһилиэнньэ эбиллиитин таһымынан Уһук Илиҥҥэ бастакы сылдьар. Арассыыйа эрэгийиэннэригэр 10 бастыҥ иһигэр киирсэр. Кэнники 5 сыл иһигэр элбэх оҕолоох ыал ахсаана 3 тыһыынчанан эбилиннэ.
— Оҕо төрөөһүнэ эбиллэн иһэр диэн этэр кыахпыт, хомойуох иһин, суох. Саха сиригэр, Арассыыйаҕа ханна да буоларын курдук, оҕо төрөөһүнэ аҕыйыыр. Ити 90-с сыллардааҕы «демографическай дьаама» содула. Ол да үрдүнэн, Саха сирэ Уһук Илиҥҥэ бастакы миэстэлээх. Нэһилиэнньэ эбиллиитинэн Уһук Илиҥҥэ бастакы, Арассыыйаҕа ахсыс миэстэлээхпит, — диэн Айсен Николаев бэлиэтиир.
2020 сылтан элбэх оҕолоох ыаллар ахсааннара 3 тыһыынчанан эбиллибит.
— Элбэх ахсааннаах дьиэ кэргэттэр ахсааннара эбиллиитэ кинилэргэ көмө, болҕомто ууруллуута чахчы көдьүүстээҕин көрдөрөр. Оҕолоох дьиэ кэргэттэри өйүүргэ өрөспүүбүлүкэтээҕи, федеральнай бүддьүөттэн сыллата 30 миллиард солкуобай кэриҥэ төлөнөр. Кэнники сылларга оҕолоох ыалларга көмө кээмэйэ көстө-биллэ улаатта. Ол иһин элбэх оҕолонуу престиһэ үрдээтэ.
Биһиги инникитин да дьиэ кэргэттэри, оҕолору, ийэлэри өйүүр үлэбит, доруобуйа харыстабылыгар, социальнай эйгэҕэ ыытар бэлиитикэбит салҕаныаҕа. Бу суолталаах хайысхалары өйүүбүт, өйүөхпүт. Судаарыстыба сүрүн соруга — нэһилиэнньэтин элбэтии буолар дии саныыбын, — диэн Ил Дархан эттэ.
Ил Дархан, бырабыыталыстыба пресс-сулууспата.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …