Дьааҥы улууһун дьаһалтатын социальнай көмүскэл управлениетын начаалынньыга Владимир Слепцов социальнай хантараак, элбэх оҕолоох дьиэ кэргэттэр дастабырыанньаларын уларытыы туһунан кэпсээтэ.
— 2023 сыллаахха Дьааҥы улууһугар 121 киһи социальнай хантараагы түһэрсибитэ. Ол иһигэр: кэтэх хаһаайыстыбаны сайыннарарга — 35, бэйэ дьыалатын арынарга — 10, бастайааннай үлэ буларга — 3 киһи. 73 дьиэ кэргэн социальнай хантараагы ыарахан балаһыанньаттан тахсарга ылан, туһаммыта.
Судаарыстыба социальнай хантараак чэрчитинэн, кыаммат дьиэ кэргэттэргэ, эбэтэр, соҕотох олорор дьоҥҥо көмө оҥорор. Бу харчыны кинилэр ылан туттан эрэ кэбиһиэ суохтаахтар, үлэлэтэн, кэҥэтэн, дьарыктаах, дохуоттаах буолалларыгар олук ууруохтаахтар.
Социальнай хантараак дуогабар быһыытынан бэриллэр, онон эппиэтинэстээҕин эмиэ өйдүөххэ наада. Холобур, социальнай хантараак усулуобуйатын толорботоххо, харчыны төнүннэриэххэ наада. Бу киһи төнүннэрбэт түгэнигэр, суутунан ирдээн ылаллар уонна инникитин судаарыстыба көмөтө бэриллибэт буолар.
— Бэрэсидьиэн Владимир Путин элбэх оҕолоох дьиэ кэргэн дастабырыанньатын биир көрүҥнээх оҥорорго сорудахтаабыта. Урут ылбыт дастабырыанньаларын саҥаҕа хаһан уларыталларый?
— Бу сорудаҕы толорорго Ил Дархан Айсен Николаев 2024 сыл муус устар 26 күнүгэр 300 №-дээх ыйаахха илии баттаабыта. СӨ бырабыыталыстыбатыгар от ыйын 1 күнүгэр диэри туох баар нуорма-быраап аакталарын ылынан, бу ыйааҕы толорорго көрүллэр ороскуот үбүн буларга сорудахтаабыта.
Элбэх оҕолоох дьиэ кэргэттэр дастабырыанньаларын урут ылбыт буоллахтарына, 2024 сыл ахсынньы 31 күнүгэр диэри туһаналлар уонна бу кэмҥэ диэри социальнай управлениеҕа сайабылыанньа суруйан, саҥаҕа уларытыахтаахтар.
«Вести Верхоянья».
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…