Элбэх оҕолоох ыал оҕолоро оптуобуска босхо айанныахтара

СӨ Үлэҕэ уонна социальнай сайдыыга министиэристибэтэ иһитиннэрэринэн, сэтинньи 4 күнүттэн элбэх оҕолоох ыал оҕолоро оптуобуска босхо айанныахтара.

Онуоха төрөппүттэр оскуолаҕа тустаах сайабылыанньаны суруйаллар  уонна тырааныспар анал каартатын ылаллар. Маннык каартанан такситтан ураты куорат иһигэр уонна куорат таһынааҕы хайысхаларынан айанныахха сөп.

Каарта ыйга 96 айаҥҥа тиийэр. Сууккаҕа түөрт айан босхо буолар.

«Билигин куорат уонна куорат таһынааҕы уокуруктарынан  субсидияны аныырга тиэйээччилэр ортолоругар сүүмэрдээһин ыытыллар», — диэтэ Дьокуускай куорат тырааныспарга сулууспатын салайааччыта Эдуард Садовников.

Элбэх оҕолоох дьиэ кэргэттэр оҕолорун босхо таһыы бэрээдэгэ «СӨ элбэх оҕолоох дьиэ кэргэттэргэ социальнай өйөөһүн эбии дьаһалларын туһунан» Ил Дархан Ыйааҕынан бигэргэммитэ.