Уһаайба сирин учаастагынан босхо хааччыллыы испииһэгэр уочаракка турар үстэн элбэх оҕолоох дьиэ кэргэттэр сири ылыы оннугар харчынан ылары үтүө баҕаларынан сөбүлэһэр түгэннэригэр көрүллэр үп суумата Ил Дархан Айсен Николаев киллэрбит СӨ Сир кодексыгар уларытыыларын барылыгар чуолкайданан, дьокутааттар дьүүллэһиилэригэр киирдэ.
Саха сирин үрдүнэн элбэх оҕолоох ыал манан төһө туһаныай?
Сири ылыыга уочаракка турар элбэх оҕолоох ыал уопсай ахсаана 2022 сыл от ыйын 1 күнүнээҕи туругунан 26 072. 10 848 ыал сир ылбыт, ол иһигэр, быйыл – 219 ыал. Оттон 15 224 дьиэ кэргэн босхо сиргэ тиксэ илик.
СӨ үлэҕэ уонна социальнай сайдыыга миниистирэ Елена Волкова иһитиннэрбитинэн, биир кэмнээх төлөбүр кээмэйэ 200 тыһыынча солкуобайга тэҥнэһэр. Элбэх оҕолоох дьиэ кэргэн сири босхо ылыыттан аккаастанар түгэнигэр маннык уочаракка иккистээн киирэрэ көрүллүбэт уонна сири бас билиигэ босхо ылар бырааптаныыта тохтотуллар.
Сорох дьокутааттар харчы кээмэйэ сири ылыыга эппиэттээбэтигэр тохтоотулар. Онуоха парламент Дьиэ кэргэн уонна оҕо аймах дьыалаларыгар сис кэмитиэтин бэрэссэдээтэлэ Алена Атласова быһаарбытынан, сокуон барылынан көрүллүөхтээх үп өйөбүл биир көрүҥэ буоларын, ити харчы сири атыылаһыыга диэн буолбатаҕын итиэннэ маннык миэрэ уһун уочараты аҕыйатыан сөбүн бэлиэтээтэ.
Елена Иванова, «Саха сирэ» хаһыат.
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…