Хаартыска: үлэ, социальнай сайдыы министиэристибэтэ.
Элбэх оҕолоох Шашковтар федеральнай уонна эрэгийиэннээҕи Ийэ хапытаалларын туһанан, ипотеканы сабарга уонна оҕолорун үөрэттэрэргэ туһаннылар. Сир учаастагын оннугар харчынан толуйууну эмиэ ылан туһаммыттара.
Үс оҕолоох ийэ Екатерина Шашкова дьиэ кэргэнэ элбэх оҕолоох ыалларга «Семья» ийэ хапытаалыгар сайабылыанньа биэрбиттэрин уонна ипотеканы төлөөһүҥҥэ туһаммыттарын кэпсээтэ. Маны таһынан, «Үйэ оҕолоро» хапытаалы туһанан, кыбартыыраларын өрөмүөннээбиттэрэ. Инникитин дьиэ кэргэн федеральнай ийэ хапытаалын кыргыттарын үөрэтиигэ туһанар былааннаах.
«Билигин дэкириэтинэй уоппускаҕа сылдьабын, үп-харчы өттүнэн хааччыллыылаахпын. Бу бэйэбэр эрэл санааны үөскэтэр — оҕолору туох наадалааҕынан хааччыйар кыахтаахпыт, дьиэ кэргэн бүддьүөтүгэр кылааппытын киллэрэбит. Судаарыстыба өйөбүлүн билэбит, онон биһиэхэ бу улахан суолталаах. Маннык бырагыраамалар иһин Арассыыйа бэрэсидьиэнигэр, бырабыыталыстыбатыгар уонна Саха сирин бырабыыталыстыбатыгар махтанабын», — диэн бэлиэтээтэ Екатерина Шашкова.
«Дьиэ кэргэн» национальнай бырайыак диэн үп-харчы өттүнэн эрэ өйөбүл буолбатах, бу оҕо улаатар эйгэтигэр, төрөппүттэргэ бары кыаллар көмө уонна оҕону иитиигэ усулуобуйаны тэрийии, репродуктивнай доруобуйаны өйөөһүн, о.д.а. буолар. «Дьиэ кэргэн» национальнай бырайыак дьиэ кэргэн сыаннастарын тарҕатыыга, өйүүргэ туһуланар», — диэн миниистир Елена Волкова тоһоҕолоон бэлиэтээтэ.
2025 сылтан «Дьиэ кэргэн» национальнай бырайыак чэрчитинэн, 2,8 миллиард солкуобай бэрилиннэ. Итинтэн 1 миллиард солкуобай федеральнай бүддьүөт харчыта, 1,8 миллиард солкуобай — өрөспүүбүлүкэ бүддьүөтүттэн. Бастакы уонна иккис оҕолоро төрөөһүннэригэр 2020 ыал өйөбүлү ылла. «Дьиэ кэргэн» Өрөспүүбүлүкэтээҕи ийэ хапытаалын 1328 ыал туһанна. 335 эдэр ыал, кэргэнниилэр иккиэн 25 саастарын туола иликтэр, дьиэ кэргэҥҥэ киирэллэригэр үбүнэн көмөнү ылбыттар.
«Элбэх оҕолоох дьиэ кэргэн» бырайыак чэрчитинэн, 34,7 тыһыынча оҕо босхо сылаас аһылыгынан хааччылынна, 7692 дьиэ кэргэн ОДьКХ өҥөлөрүгэр чэпчэтиини, 149 дьиэ кэргэн оҕолоро колледжка эбэтэр техникумҥа киирэллэригэр төлөбүрдээх өйөбүлү ыллылар.
Арассыыйа бэрэсидьиэнэ Владимир Путин ыйбыт судаарыстыбаннай бэлиитикэтин сүрүн хайысхатынан дьиэ кэргэттэри өйөөһүн хаалар. Бу үлэ федеральнай уонна эрэгийиэннээҕи таһымҥа ылыллыбыт быһаарыыларынан салҕанан барыаҕа.
Сиһилии аах: https://mintrud.sakha.gov.ru/news/8010
“Уһук Илин сулуһа” бириэмийэни туттарыыга быйыл Уһук Илиҥҥэ, Арктикаҕа үлэлиир 150-тан тахса уопсастыбаннай уонна инвестиционнай…
Сарсыарда эрдэ уһугуннарар, күнү быһа улуйар, киэһэ утуйар уугун көтүтэр. Бу эһиги тус көмөлөһөөччүгүт буолбатах,…
Бүгүҥҥүттэн Дьокуускайга СӨ бибилэтиэкэрдэрин I сийиэһэ саҕаланна. Икки күннээх сийиэс бибилэтиэкэ салаатын исписэлиистэрин, былаас, үөрэх,…
Сыл саҕаланыаҕыттан Саха сиригэр үлэ булуутугар, бэйэ дьыалатын арыныыга, тус хаһаайыстыбаны сайыннарыыга 1697 социальнай хантараагы…
Ааспыт сыл алтынньытыгар Нерюнгри олохтооҕо куорат биир маҕаһыыныгар киирэн иһэн халтарыйан, муостаҕа охтон түһэн, хаҥас…
Омук аайы бэйэтэ туспа, ураты, үйэлэри уҥуордаан кэлбит астаах-үөллээх. Бүгүн биһиги ааҕааччыларбытыгар бүрээт омук биир…