Элбэх оҕолоох ыал устудьуон оҕото үөрэҕин төлүүрүгэр 50 тыһ. солк. кээмэйдээх төлөбүр көрүллэр

От ыйын 25 күнүгэр өрөспүүбүлүкэ бырабыыталыстыбата элбэх оҕолоох ыал устудьуон оҕото үөрэҕин төлүүрүгэр көрүллэр биир кэмнээх төлөбүрү биэриини бэрээдэкээбитэ. Бу миэрэни Дьиэ кэргэн сылынан Ил Дархан Айсен Николаев киллэрбитэ диэн СӨ Ил Дарханын уонна Бырабыыталыстыбатын дьаһалтытн пресс-сулууспата иһитиннэрэр.

Өрөспүүбүлүкэ үлэтин ырыынагар инники күөҥҥэ сылдьар идэҕэ төлөөн үөрэнэр устудьуон үөрэҕин төлүүрүгэр көрүллэр. Төлөбүр кээмэйэ 50 тыһ.солк. тэҥнэһэр.

Сайабылыанньаны балаҕан ыйын 1 күнүн кэнниттэн ыытыахха сөп:

— www.e-yakutia.ru

— МФЦ.

Ханнык идэлэр инники күөҥҥэ сылдьалларын туһунан сиһилии манна ааҕыҥ: https://mintrud.sakha.gov.ru/news/front/view/tag/informacziya+dlya+grazhdan/id/3409218