Элбэх оҕолоох ыаллар 1-тан 11 кылааска диэри үөрэнэр оҕолоругар босхо бырайыастарын туһунан

Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох ыаллар оҕолоругар куорат уонна куорат таһынаҕы тырааныспарынан сырыыга босхо бырайыаһы муниицпальнай тэриллиилэр биэриилэрин типовой бэрээдэгэ бигэргэннэ.

Бу балаһыанньа быһыытынан балаҕан ыйын 1 күнүттэн ыам ыйын 31 күнүгэр диэри муниципальнай тэриллиилэр күн аайы  тиэйиилэригэр олохтоммут тохтуур пууннарга пассажирдары олордор уонна түһэрэр сүрүннэнэр тарыыптардаах үлэлиир массыына тырааныспарыгар уонна куораттааҕы сиринэн сырыы тырааныспарыгар наадыйыыга олоҕурбакка, элбэх оҕолоох ыалларга уопсай үөрэхтээһин тэрилтэлэригэр үөрэнээччилэргэ босхо бырайыаһы биэрии  быраабылатын олохтуур.

Босхо бырайыас элбэх оҕолоох ыаллартан үөрэнэр оҕолорго анал тырааныспар каартатын туһаныыны Саха сирин олохтооҕун каартатын туһанан бэриллэр. Бу каарта төлөбүр электроннай тиһигэр холбоммут. Босхо бырайыаһынан бастаан 96-та айанныыллар. 97-с сырыытыттан ыла үөрэнээччи бырайыаһын олохтоммут тарыыптарга олоҕуран бэйэтэ төлүүр.

2024 сыл кулун тутар 28 күнүнээҕи туругунан Дьокуускай куоракка 10901 элбэх оҕолоох дьиэ кэргэн баар, элбэх оҕолоох ыаллартан 1-11 (12) кылааска 16160 оҕо үөрэнэр.

Саха Өрөспүүбүлүкэтин тырааныспарка уонна суол хаһаайыстыбатыгар миниистирин В.М.Сивцев бирикээһин сиһилии манна билсиҥ  https://yakutskcity.ru/press-tsentr/o-predostavlenii-mer-sotsialnoy-podderzhki-po-besplatnomu-proezdu-avtomobilnym-transportom-detyam-s-/

Дьокуускай куорат куораттааҕы дьаһалтатын пресс-сулууспата