Мария Васильева хаартыската, СИА.
Саха сиригэр элбэх оҕолоох дьиэ кэргэттэри өйүүр саҥа миэрэ олоххо киирэр. Үс уонна онтон элбэх оҕолоохтор ааҕыллыбыт дьиэ-уот өҥөтүттэн 30 бырыһыан кээмэйдээх төлөбүрү ылыахтарын сөп. Билигин 1214 дьиэ кэргэн сайабылыанньа биэрбит.
Саха сирин ОДьКХ уонна энергетикаҕа министиэристибэтэ иһитиннэрэринэн, e-yakutia портал нөҥүө 1080, МФЦ нөҥүө 134 сайабылыанньа киирбит.
Төлөбүргэ элбэх оҕолоохтор тиксиэхтэрин сөп. Олорор сирдэринэн регистрациялаах буолуохтаахтар. Хомунаалынайын төлөбүрүн сайабылыанньаны биэриэн иннинээҕи ыйга төлөөбүт буолуохтаах.
Чэпчэтии сылга биирдэ бэриллэр сайабылыанньанан оҥоһуллар. Төлөбүр 12 ыйга ананар уонна сайаапкалаабыт киһи «Саха сирин олохтооҕун каартата» счетугар киириэҕэ.
Сайабылыанньаны госөҥө эрэгийиэннээҕи порталыгар эбэтэр «Мои документы» киин офистарыгар биэриэххэ сөп.
Саха сиригэр хас биирдии бэһис ыал элбэх оҕолоох. Өрөспүүбүлүкэҕэ 118 тыһыынчаттан тахса оҕо иитиллэр 34 тыһыынча ыал баар. Төрөөһүн туругунан эрэгийиэн Уһук Илиҥҥэ бастакы уонна дойдуга сэттис миэстэлээх.
Алта сыл устата Саха сиригэр ийэ буолууну уонна оҕо аймаҕы өйүүргэ үбүлээһин аҕыс төгүл улаатта уонна 29,5 миллиард солкуобайга тиийдэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
“Бүгүҥҥү күҥҥэ саамай улахан ситиһиибитинэн олоҥхону толорор ыччаппыт, эр дьоммут элбээбитэ буолар. Кинилэри түүн да…
Абхазияҕа ааспыт нэдиэлэттэн өрө туруу баран, бэрэсидьиэннэрин быыбара болдьоҕун иннинэ ыытыллар буолла. Сэтинньи 15 күнүгэр…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа, хотугулуу-арҕаа улуустарыгар, Өлүөнэ…
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…