Хаартыска: Ил Дархан, бырабыыталыстыба дьаһалтатын пресс-сулууспата.
Саха сиригэр 2012 сылтан 2023 сылга диэри 792 ыал 2 миллиард 281 мөлүйүөн суумалаах биирдэ бэриллэр социальнай төлөбүрү ылбыт. Бу маннык төлөбүр сокуоннай саастарын туола илик 5-тэн элбэх оҕолоох ыалларга дьиэ ылалларыгар (тутталларыгар) анаан бэриллэр. Бырагыраама өрөспүүбүлүкэҕэ 2012 сылтан үлэлиир.
Кинилэр Саха сиригэр 20 сылтан итэҕэһэ суох кэм устата олорбут уонна 5-тэн элбэх сокуоннай саастарын туола илик, эбэтэр, күнүскү үөрэххэ үөрэнэр 23 саастарын туола илик устудьуон, эбэтэр, сулууспалыы сылдьар оҕолоох буолуохтаахтар. Манна сокуоннай саастарын туолбут эрээри, үлэлээбэт инбэлиит оҕолор эмиэ киирсэллэр.
Социальнай төлөбүр кээмэйэ дьиэ сыанатын 35%-гар тэҥнэһэр. Маны ааҕарга олорор дьиэ иэнин нуорматын (1 киһиэхэ 18 кв.м.) уонна өрөспүүбүлүкэҕэ олохтоммут олорор дьиэ уопсай иэнин 1 кв. миэтэрэтин сыанатын учуоттууллар.
«О государственном бюджете РС(Я) на 2023 год и на плановый период 2024 и 2025 годов» сокуон чэрчитинэн, испииһэккэ 64 ыал киирэ сылдьар. Кинилэргэ 248,7 мөлүйүөн солкуобай төлөнүөхтээх.
Ил Дархан, бырабыыталыстыба дьаһалтатын пресс-сулууспата.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…