Элбэх оҕолоох ыаллар оҕолоро түмэлгэ босхо сылдьыахтара

Балаҕан ыйыттан  элбэх оҕолоох ыаллар оҕолоро   «Музей истории города Якутска» муниципальнай түмэлгэ босхо сылдьыахтара. Бу туһунан Дьокуускай куорат дьаһалтатын култуураҕа уонна духуобунай сайдыыга управлениета иһитиннэрдэ.

Элбэх оҕолоох ыаллар оҕолоро нэдиэлэ ханнык баҕарар күнүгэр бэйэлэрэ Дьокуускай куорат устуоруйатын түмэлин экспозициятын  босхо көрүөхтэрин  сөп.

Санатан эттэххэ, Арассыыйаҕа Дьиэ кэргэн, Саха сиригэр Оҕо саас сылларынан сибээстээн,  СӨ Ил Дархана Айсен Николаев ыйааҕынан элбэх оҕолоох ыалларга социальнай өйөбүл эбии миэрэлэрэ олохтоммуттара.  Ол иһигэр өрөспүүбүлүкэ бас билиитигэр баар судаарыстыбаннай уонна муниципальнай түмэллэргэ  босхо сылдьыы.

Туһааннаах түмэлгэ киирии билиэт сыаната оҕолорго —  50 солк., улахан дьоҥҥо —  100 солк.