Элбэх оҕолоох ыаллар таксыыга чэпчэтиинэн туһаныахтара

— Балаһыанньаны үөрэтэн көрүҥ уонна элбэх оҕолоох ыаллар таксыынан айанныылларын хаачыстыбатын үрдэтэр туһуттан, чэпчэтиилээх тарыыбы туһанарга этиилэри киллэриҥ, — диэн бэрэсидьиэн сорудахтаата.

Маны тэҥэ, Владимр Путин таксыы массыыналарыгар оҕону олордор анал кириэһилэлээхтэрин бэрэбиэркэлээҥ диэн соруйда. Бу сорудахтары толорууга эппиэтинэһи премьер-миниистир Михаил Мишустин уонна эрэгийиэннэргэ тустаах дуоһунастаах дьон сүгэллэр. Кинилэр кулун тутар 15 күнүгэр диэри отчуоту суруйан, бэрэсидьиэҥҥэ киллэриэхтээхтэр.

Маны тэҥэ, РФ үлэ, социальнай сайдыы министиэристибэтэ оҕо көрөн олоруу уоппускатын кэмин бүтүннүү страховой ыстааска киллэрэр туһунан сокуон барылын оҥоро сылдьар. Оччотугар элбэх оҕолоох төрөппүттэр биэнсийэлэрин кээмэйэ эмиэ эбиллэр.