Элбэх оҕолоох ыалларга сир учаастагын оннугар бэриллэр төлөбүр суумата үрдээтэ

Элбэх оҕолоох ыалларга сир учаастагын оннугар төлөбүр суумата 200 тыһыынчаттан 300 тыһыынча солкуобайга диэри үрдээбит. Бу туһунан СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.

Үбү-харчыны туһаныахха сөп:

• дьиэ-уот усулуобуйатын тупсарыыга;
• ититии уонна инженернэй ситимнэргэ дьиэни-уоту холбооһун;
• кэтэх дьиэни-уоту туттууга сир учаастагын атыылаһыы;
• тырааныспары атыылаһыы;
• оҕону үөрэттэрии;
• төлөбүрдээх мэдиссиинэ өҥөтүн туһаныы;
• дьиэни-уоту өрөмүөннээһин;
• хаһаайыстыбаны сайыннарыы.

Төлөбүрү туһанарга социальнай көмүскэл уонна үлэ управлениетыгар, «Госуслуги» портал нөҥүө эбэтэр «Мин докумуоннарым» киин отделениеларыгар сайабылыанньа биэриэххэ наада.