Элбэх оҕолоох ыалларга сыыппара дастабырыанньа киириэҕэ

Алтынньыттан Арассыыйаҕа элбэх оҕолоох ыалларга  сыыппара дастабырыанньа баар буолуоҕа. Куйаар-куодтаах сыыппара дастабырыанньа «Госуслуги» порталга тус кэбиниэккэ «Семья и дети» салааҕа киирдэххэ, баар буолар. 

Докумуон электроннай көрүҥэ сороҕор туһанарга ордук табыгастаах буолар. Кумааҕы дастабырыанньаны төрөппүттэр эрэ туһанар буоллахтарына, сыыппара дастабырыанньаны оҕолор эмиэ туһаныахтарын сөп.

Куйаар-куоду төлөпүөҥҥэ киллэрэн баран, наадалаах кэмҥэ ылан көрдөрүөххэ сөп. Холобур, ол кумааҕы дастабырыанньаны умнан кэбистэххэ, ордук туһалаах. Маны тэҥэ, дьиэ кэргэн кумааҕы дастабырыанньатын тэҥинэн туһаныан сөп.

Бу саҥардыыны алтынньы 1 күнүттэн ахсынньы 31 күнүгэр диэри кэтээн көрүөхтэрэ уонна, наада буоллаҕына, тупсаран биэриэхтэрэ диэн үлэ, социальнай сайдыы министиэристибэтэ иһитиннэрэр.