Андрей Сорокин хаартыската.
Ахсынньы 3 күнүгэр буолбут бырабыыталыстыба мунньаҕар Айсен Николаев элбэх оҕолоох дьиэ кэргэттэргэ босхо учаастагы биэриигэ уочараты түргэтэтэр мэхэньиисимнэри оҥорорго сорудахтаата.
— Бу сылларга өрөспүүбүлүкэ үрдүнэн элбэх оҕолоох ыаллар ахсааннара эбиллэн иһэр. Ол үөрдэр, биһиги ыытар бэлиитикэбит сөптөөҕүн туоһулуур. Бу сылларга элбэх оҕолоох ыалларга 13 тыһыынчаттан тахса сир учаастага бэрилиннэ. Мантан саамай элбэх — 3 тыһыынчаттан тахса учаастак Дьокуускайга бэрилиннэ, — диэн Ил Дархан эттэ.
Бүгүҥҥү күҥҥэ бу көмө миэрэтин 14 тыһыынчатан тахса ыал күүтэр. Кинилэртэн 9 тыһыынча ыал Дьокуускайга олорор. Бу улахан уочараты түргэтэтэр туһуттан, саҥа ньымалары көрдүөххэ наада.
Учаастактар баар сирдэригэр суолу, уоту, гааһы тардыы боппуруостарын быһаарарга этиилэри киллэрэргэ сорудахтаата. Ол эрээри, инфраструктура тардыллыбытын да иһин, уопсай боппуруоһу быһаарбат. Холобур, Дьокуускайга элбэх үп көрүллэн, инфраструктура тардыллыбытын да иһин, мээр Евгений Григорьев этэринэн, ылбыт дьон 22%-ра эрэ дьиэ-уот туттубуттар.
Биир мэхэньиисиминэн харчынан толуйуу буолар. Холобур, 2022 сылтан босхо учаастактан аккаастаммыт дьоҥҥо 200 тыһыынча солкуобайы харчынан биэрэллэр. Барыта 3 тыһыынчатан тахса ыал бу көмөнөн туһаммыт. Ил Дархан бу харчынан толуйууну сыллата индексациялыырга этии киллэрдэ.
Билигин сыл бүтүөр диэри этиилэри хомуйан, саҥа миэрэлэри ылынарга киллэриэхтэрэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…