Хаартыска СИА
VIII «Азия оҕолоро» норуоттар икки ардыларынааҕы успуорт оонньууларын аһыыллыытын сиэригэр- туомугар 2,7 тыһыынчаттан тахса билиэт атыыланна. Билиэт атыылааһынын туһунан кэпсэтиини СӨ Бырабыыталыстыбатын бэрэссэдээтэлин солбуйааччы Сергей Местников ыытта.
«Азия оҕолоро» оонньуулар аһыллыытын сиэригэр- туомугар билиэттэри атыылааһын быйыл муус устар 26 күнүгэр https://yakutsk2024.org/ саайка саҕаламмыта. Оттон сабыллыытын чааһыгар билиэттэри атыылааһын ыам ыйын 26 күнүттэн ыытыллар.
Киирии билиэт сыаната трибунаттан уонна секторыттан көрөн, 2-тэн 3,5 тыһыынча солкуобайга диэри тиийэр. Ону тэҥэ улахан квалификациялаах күрэхтэһиилэргэ билиэт сыаната – 100 солк., полуфиналга, финалга – 200 солк., успуорт бары күрэхтэһиилэригэр киирэргэ абонемент – 1,5 тыһыынча солкуобай. Оттон 17 сааһыгар диэри саастаах оҕолорго успуорт тэрээһиннэргэ барытыгар билиэт босхо оҥоһуллар.
Маны сэргэ оонньуу аһыллыытын уонна сабыыллыытын тэрээһиннэригэр элбэх оҕолоох ыаллар төрөппүттэригэр 50% чэпчэтии көрүллэр, оттон 5 уонна онтон элбэх оҕолоох ыалларга 100%.
Билиэт сыаната «Азия оҕолоро» аан дойдутааҕы кэмитиэти кытта сөбүлэһэн тэрийэр кэмитиэт бигэргэппитэ. Дьүүллэһии кэмигэр Сергей Местников успуорт бары эбийиэктэригэр билиэттэри атыылааһыны бэс ыйын 16 күнүгэр тэрийэргэ сорудахтаата.
«Азия оҕолоро» оонньуу үөрүүлээх аһыллыытын сиэрэ-туома Дьокуускай куоракка Н. Н. Тарскай аатынан «Туймаада» стадиоҥҥа бэс ыйын 26 күнүгэр киэһэ 19:00 чаастан буолуоҕа.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…