Элбэх оҕолоохторго ипотека ыстаапката түһүөн сөп

Элбэх оҕолоох ыалларга «Дьиэ кэргэн ипотекатын» ыстаапкатын 4% диэри намтатыы туһунан кэпсэтии барар. Бу туһунан РИА-ҕа Госдуума үп ырыынагын кэмитиэтин бэрэссэдээтэлэ Аксаков иһитиннэрбит.

Бу иннинэ РФ Үпкэ министиэристибэтэ элбэх оҕолоохторго ыстаапканы хайдах гынан намтатар туһунан дьүүллэһэрин киин  сонуну киэҥник тарҕатар ситимнэр суруйан тураллар.

«Ыстаапканы намтатыы туһунан кэпсэтии, дьүүллэһии барар. Ол гынан бу туһунан Судаарыстыбаннай Дуумаҕа кэпсэтии тахса илик.  4% диэри үстэн элбэх оҕолоохторго намтатыы туһунан кэпсэтэбит», — диэн Аксаков РИА-ҕа эбэн эппит.