Хаартыска СИА.
Бу күннэргэ Таатта улууһугар олорор оҕо уһуйаанын иитээччитинэн үлэлиир, элбэх оҕолоох дьахтарга төлөпүөнүнэн ФСБ-тан диэн түөкүттэр эрийбиттэр.
Өссө ону итэҕэтэр сыалтан бассаап* (*признана экстремисткой организацией, ее деятельность запрещена в России) нөҥүө дастабарыанньаларын хаартыскалаан ыыппыттар уонна эн бааныҥ счетун алдьатаннар атын дойдуга харчыгын ыытан эрэллэр диэн биллэрбиттэр. Бу туһунан СӨ ИДьМ пресс-сулууспата иһитиннэрэр.
Ити кэнниттэн эмсэҕэлээччигэ Киин баан үлэһитэбин диэн аны атын түөкүн төлөпүөннээбит, бу киһи эмиэ «дастабарыанньатын» хаартыскатын ыыппыт. Онон эмсэҕэлээччини угаайыга киллэрэннэр, чугас дьонугар кытары бу туһунан эппэтин курдук сүбэлээннэр, дьиэ кэргэниттэн кистээн Дьокуускайга барарыгар эппиттэр. Элбэх оҕолоох ийэ кимҥэ даҕаны эппэккэ, Дьокуускай куоракка аймаҕа да, билэр дьоно да элбэҕин үрдүнэн, гостиницаҕа түспүт. Икки суукка иһигэр кини «Алмазэргиэнбааҥҥа» 800 тыһ. солк. уонна «Альфа-бааҥҥа» 420 тыһ. солк. кирэдьиит оҥотторбут.
Инньэ гынан дьахтар кибер-түөкүттэр угаайыларыгар киирэн 1 мөл. 200 тыһ. солкуобай харчыны «Туймаада» атыы-эргиэн киинигэр баар банкомаат нөҥүө түөкүттэргэ ыыппыт. Хаалбыт 20 тыһ. солк. дьахтар бэйэтигэр хаалларбыт. Үһүс күнүгэр түөкүттэр эмиэ кирэдьиит ыллаттараары төлөпүөннээбиттэр, эмсэҕэлээччи дьэ онно биирдэ өйдөнөн, аймаҕа киһиэхэ кэпсээн, онто албыннаппытын итэҕэппит.
Онон өрөспүүбүлүкэ олохтоохторун Ис дьыала министиэристибэтэ ханнык даҕаны быраап уорганнарын үлэһиттэрэ дастабырыанньаларын хаартыскалаан батсаабынан да, атын да социальнай ситиминэн ыыппаттарын сэрэтэллэр. Өскөтүн итинник төлөпүөннээн эттэхтэринэ, ким даҕаны буолун, кэпсэтимэҥ.
(*признана экстремисткой организацией, ее деятельность запрещена в России)
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…