Хаартыска: SakhaGov
Ыам ыйын 9 күнүгэр Аҕа дойду Улуу сэриитигэр Кыайыы 80 сылынан Саха сиригэр «Өлбөт үйэлээх полк» бүтүн норуот аахсыйата үгэс быһыытынан ыытылынна.
Манна Саха сирин 145 тыһыынча кэриҥэ олохтооҕо кытынна. Кинилэртэн 95 тыһыынча курдуга — өрөспүүбүлүкэ улуустарыгар, 50 тыһыынча курдуга Дьокуускайга кытыннылар. Кыттааччылар бэйэлэрин чугас дьоннорун -– буойун-бэтэрээннэр, тыыл бэтэрээннэрин, концлааҕыр хаайыылаахтарын, локальнай киирсиилэр кыттыылаахтарын уонна «сэрии оҕолорун» мэтириэттэрин тутан хаамыстылар. Дьокуускайга «Өлбөт үйэлээх полк» холуонната байыаннай-патриотическай хаамыы кэнниттэн саҕаланна.
Күргүөмүнэн хаамсыы 2007 сылтан, Тюмеҥҥа бэтэрээннэр уобаластааҕы сэбиэттэрин бэрэссэдээтэлэ Геннадий Иванов көҕүлээһининэн куорат олохтоохторо буойун аймахтарын мэтириэттэрин тутан Кыайыы параадытыгар куорат уулуссаларыгар хаамсыбыттарыттан ыла саҕаламмыта.
2012 сыллаахха аахсыйаҕа аат иҥэриллэн, билигин «Өлбөт үйэлээх полк» диэнинэн биллэр.
2015 сыллаахха Кыайыы 70 сылыгар аахсыйа 1150 куоракка уонна 17 дойдуга буолбута. Москваҕа мөлүйүөн аҥаара киһи, ол иһигэр Арассыыйа бэрэсидьиэнэ Владимир Путин, кыттыбыта. Быйыл аахсыйа уопсай Арассыыйа таһымнанна -– 2015 сыл алтынньы 5 күнүгэр «Арассыыйа өлбөт үйэлээх полката» Арассыыйа уопсастыбаннай гражданскай-патриотическай хамсааһына диэн регистрацияланна.
Ордук элбэх киһи кыттыыта 2019 сыллаахха бэлиэтэммитэ: уулуссаларга 10 мөлүйүөнтэн тахса киһи тахсыбыта. Муҥутуур көрдөрүү 2022 сыллаахха ситиһиллибитэ -– Арассыыйа 12 мөлүйүөнтэн тахса уонна аан дойду 90 дойдутун олохтооҕо кыттыбыта. Оттон Саха сиригэр 124 тыһыынчаттан тахса киһи хаамсыбытыттан, 47 тыһыынчата Дьокуускайга этэ.
2020 сыллаахха, пандемия усулуобуйатыгар, «Өлбөт үйэлээх полк» онлайн-көрүҥүнэн барбыта.
Билигин Саха сиригэр «Өлбөт үйэлээх полк» араас көрүҥүнэн ыытыллар. Фронтовиктар мэтириэттэрин илдьэ массыынанан сүүрүүлэр ыытыллаллар, куорат таһыгар сылдьар оптуобустарга тыыл үлэһиттэрин -– үлэ албан аатын дьоруойдарын мэтириэттэрин көрүөххэ сөп. Саха сирин олохтоохторо бэйэлэрин дьоруойдарын массыыналарыгар ууруналлар, статустарыгар уонна социальнай ситимнэригэр таһаараллар уо.д.а. Үгүстэр https://polkrf.ru уонна https://2025.polkrf.ru. саайтарга хаартыскалары таһааран, «Өлбөт үйэлээх полк» аахсыйаҕа кытталлар.
Мэҥэ Хаҥалас оройуонун полицията уопсайа 13 мөл. солк. суумалаах кыһыл көмүһү тиэйэн испит тэрилтэ дириэктэрин…
“Өбүгэ ситимэ” норуот эмчиттэрин түмсүүтүгэр айылҕаттан айдарыылаах араас дьон баар. “Өбүгэ ситимэ” норуот эмчиттэрин түмсүүтүн…
Быйыл балаҕан ыйыгар аан маҥнай аһыллар, өрөспүүбүлүкэ биир элбэх үөрэнээччилээх, М.Е.Николаев аатын сүгэр Дьокуускай куорат…
Сибиирдээҕи федеральнай уокурук эрэгийиэннэригэр күүстээх сөҥүү түһүөҕэ, оттон Саха сиригэр хаһыҥ түһэрэ күүтүллэр. Бу туһунан…
Бу күннэргэ Мэҥэ Хаҥалас улууһун Ходоро нэһилиэгин Чүүйэ Эбэ алааһыгар "Ходуһа хоһууттара-2025" илии хотуурунан оту…
Бүлүү оройуоннааҕы суута улуус 20 саастаах олохтооҕо ааптар быраабын сокуону кэһэн туран туһаммытын иһин кинини…