Ыам ыйын 15 күнүгэр Бырабыыталыстыба 2-с №-дээх дьиэтигэр Саха сиригэр ыытыллыбыт “Өлбөт үйэлээх полк” аахсыйа түмүктэрин таһаардылар уонна аахсыйаны ыытыыга көмөлөспүт дьоҥҥо түөскэ кэтиллэр бэлиэлэри, наҕараадалары үөрүүлээх быһыыга-майгыга туттардылар.
Үөрүүлээх тэрээһин СӨ норуодунай артыыһа Александр Емельянов «Кыайыы күнэ» диэн эҕэрдэ ырыатыттан саҕаланна.
Эҕэрдэ тылы Арассыыйа Дьоруойа, өрөспүүбүлүкэ ыччат дьыалатыгар уонна социальнай коммуникацияларга миниистирин э.т. Игорь Юргин махтал тылларын этэригэр “Өлбөт үйэлээх полк” аахсыйаны ыытыспыт ыччаттар биһиги дьоруойдарбыт туһунан өйдөбүлү мэлдьи илдьэ сылдьалларыгар, бу өйдөбүнньүк биһиги култуурунай куодпут буоларын, ыччаты патриоттуу тыыҥҥа иитии билиҥҥи сүрүн сорукпутунан буоларын санатан туран, мэлдьи маннык көхтөөх буолалларыгар, дойдубутугар нус-хас олох кэлэрин туһугар туох кыалларынан көмөлөһөллөрүгэр ыҥырда.
СӨ Ил Дарханын уонна бырабыыталыстыбатын дьаһалтатын салайааччытын солбуйааччы Михаил Гасанбалаев билигин өрөспүүбүлүкэҕэ Аҕа дойду Улуу сэриитин 9 бэтэрээнэ олорорун бэлиэтээн туран, кинилэргэ кытаанах доруобуйаны баҕарда.
— Аҕа дойду Улуу сэриитин бэтэрээннэрэ суох буоллахтарына, Кыайыы бырааһынньыгын хайдах бэлиэтиэхпитий?” – диэн миигиттэн ыйытааччылар. Биһиги кинилэр тустарынан саныырбыт, кэриэстиирбит тухары кинилэр умнуллубаттар. Онон, бу бырааһынньыгы мэлдьи бииргэ ыла туруохпут”, — диэтэ уонна наҕараадалары туттарда.
“Арасссыыйа өлбөт үйэлээх полката” Бүтүн Арассыыйатааҕы гражданскай-патриотическай хамсааһын эрэгийиэннээҕи отделениетын салайааччы, “Сахабэчээт” генеральнай дириэктэрэ Ньургуйаана Стручкова:
-“Өлбөт үйэлээх полк” Бүтүн Арассыыйатааҕы аахсыйа быйыл хаһааҥҥытааҕар да киэҥ хабааннаахтык ыытылынна. Аҥаардас Дьокуускай куоракка 50 тыһыынчаттан тахса киһи кытынна. Уопсайынан, Уһук Илиҥҥэ муҥутуур улахан көрдөрүү ситиһилиннэ. Аҕа дойду Улуу сэриитигэр Кыайыы дьоруойдарын туһунан өйдөбүннүгү харыстаан илдьэ сылдьыыны патриоттыы тыыҥҥа иитии биир көстүүтэ дии саныыбын. Дьокуускайга Бүтүн Арассыыйатааҕы аахсыйаны тэрийиигэ бүгүн бу саалаҕа олорооччулар, маннык уустук кэмҥэ тугу да эрэйбэккэ эрэ, аахсыйаҕа көмөлөстүгүт. Быйыл аахсыйа хас да форматынан ыытылынна. Ол иһигэр, “Инники кирбиигэ өлбөт үйэлээх полк” көхтөөхтүк барда. Байыаннай дьайыыга сылдьар биһиги байыастарбыт тустарынан уонунан ахсааннаах видео өрөспүүбүлүкэҕэ тарҕанна. Өссө “Өлбөт үйэлээх полк” аахсыйаны онлайн-ыытыыга М.К.Аммосов аатынан ХИФУ устуоруйаҕа факультетын устудьуоннара уонна Гуманитарнай чинчийии институтун устуорук-учуонайдара, барыта 20 киһи көмөлөстө. Икки оператор аахсыйа “суһал линиятыгар” үлэлээтэ. Кинилэргэ барыларыгар махтал. Ону сэргэ өрөспүүбүлүкэ салалтатыгар, Ил Дархан Айсен Николаевка аахсыйаны үгэс буолбут форматынан (очнай) ыытарга быһаарыы ылыммыттарыгар махтанабын. Бу — улахан эппиэтинэс. Аахсыйаҕа хаамсыы кэмигэр куттал суох буолуутун уонна сөптөөх усулуобуйаны тэрийбит терроризмы утары хамыыһыйаҕа махтал тыллара ананаллар. Куттал суох буолуутун хааччыйыы – саамай дьоһун сорук этэ. Ис дьыала министиэристибэтин бары подразделениеларын үлэһиттэригэр улахан махтал.
Биһиги ыам ыйын 9 күнүгэр хаамсыыны аахсыйаҕа эрэ буолбакка, көлүөнэлэр дьиҥнээх кэпсэтиилэригэр кубулуттубут”, — диэн ис сүрэхтэн этиллэр эҕэрдэтин тириэртэ уонна тустаах наҕараадалары туттарда.
Кэс тыл, кэриэс тыл, андаҕар, кырыыс ханнык түгэҥҥэ туттуллалларын билэҕин дуо? Бэрт судургу быһаарыыны манна…
Бүгүн, ыам ыйын 15 күнүгэр, социальнай ситимнэргэ Жатайга суудуналар тимирэн эрэллэрин, биир суудуна бүтүннүү уу…
«Иккис килиэп» дэммит хортуоппуйу хайдах олордору уонна көрөрү-харайары бары бэркэ билэр курдукпут эрээри, анаан идэтийэн…
Кэлиҥҥи кэмҥэ айылҕаттан айдарыылаах сатабыллаах саха дьоно мастан, муустан, тимиртэн араас оҥоһуктары оҥорон соһутар буоллулар.…
Саха сирин 43 саастаах олохтооҕо дьахтар алименын төлөөбөккө, холуобунай эппиэтинэскэ тардыллыбытын туһунан СӨ Суут бириистэптэрин…
Бу күннэргэ Улуу Кыайыы 80 сылынан сибээстээн, улуустарга уонна нэһилиэктэргэ араас кэрэхсэбиллээх тэрээһиннэр ыытылла тураллар.…