Марина Дашинимаева хаартыскаҕа түһэриитэ
Аан дойдуну атыйахтаах уу курдук аймаабыт, харах уутун уонна кыа хааны үрүйэлии сүүрүгүрпүт ыар сиэртибэлээх Аҕа дойду Улуу сэриитэ түмүктэммитэ 80 сыла туолла.
Бу иэдээни аҕалбыт сэриигэ улууспут хас биирдии дьиэ кэргэнэ ыар сүтүктэммитэ. Уоттаах сэрии саҥардыы тэринэн эрэр кыра оройуоҥҥа өтөрүнэн өрүттүбэт охсууну оҥорбута. Нэһилиэктэрбит чэгиэн, кыанар өттө сэриигэ ыҥырыллыбыта, аҥаарыттан ордук киһибит сэрии толоонуттан төннүбэтэҕэ, атыттар бааһыран, эчэйэн төннүбүттэрэ.
Бүгүн биһиги төбөбүтүн хоҥкутан кэриэстиибит уоттаах сэрииттэн төннүбэтэх аҕаларбытын, эһэлэрбитин, убайдарбытын, таайдарбытын! Уруй-айхал тылларынан чиэстиибит тыылга Кыайыыны уһансыбыт аҕа саастаах дьоммутун.
Горнайдааҕы кииннэммит библиотечнай ситим бэйэтин саайтыгар «Өлбөт үйэлээх полк» Горнай улууһа 1941-1945 сылларга» диэн ааттаах медиаресурс тэрийэн сэриигэ кыттыбыт аҕа көлүөнэ дьоммут үтүө ааттарын, сырдык мөссүөннэрин, хорсун сырыыларын үйэтитэр, билиһиннэрэр үлэни саҕалаата.
Медиаресурс Горнай улууһун баһылыга Никита Викторович Андреев этии киллэриитинэн сэрии фроннарынан наарданан оҥоһулунна. Аҕа дойду сэриитин кэмигэр барыта 34 фронт тэриллибитэ биллэр. Сорохторо кылгас кэм иһигэр тэриллэн атын фроннарга холбоноллоро. Биһиги оройуоммутуттан сэриигэ барбыттар маршевай роталар састааптарыгар киирэн, байыаннай бэлэмнэниини Забайкалье, Сибиир байыаннай уокуруктар подразделениеларыгар бараллара уонна Арҕааҥҥы, Хотугулуу-Арҕааҥҥы, Волховскай, Ленинградскай фроннарга ыытыллаллара.
Баазаны тэрийии биллэн турар инники үчүгэйдик үөрэтиллибит матырыйаалга оҥоһуллара ирдэнэр. Биһиги оройуоммут кыраайы үөрэтээччилэрэ Терентий Романович Капитонов, Николай Яковлевич Петров, улууспут хаһыатын кылаабынай редактора Василий Ильич Алексеев сыралаах, дьаныардаах үлэлэрин түмүгэр хомуйан бэчээттэппит «Уоттаах сэрии сылларыгар», «Горнайдар хорсун саллааттара», «Кыа хааннарын тоҕон, хорсуннук сэриилэһэн» кинигэлэрэ сүрүн тирэх буоллулар. Маны таһынан фроннары, буойуннар наҕараадаларын чуолкайдыырга Россия Оборонатын Министерствотын «Память народа» электроннай интернет — портала улахан көмө буолла.
«Өлбөт үйэлээх полк» медиаресурс бибилэтиэкэ саайтыгар киирдэ. Интэриниэккэ киирэн «Сайт Горной ЦБС» диэн суруйдаххытына тахсан кэлэр. Үлэ манан түмүктэммэт. Буойуннар сэриилэспит фроннара, өлбүт сыллара чопчуланар. Хаартыскалары көрдөөн киллэрии үлэтэ тиһиктээхтик салҕанар.
Мария Павлова
Марина Дашинимаева хаартыскаларга түһэриитэ
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…