СИА хаартыската
Онлайн-аахсыйаҕа кыттарга сайаапкалары хомуйуу саҕаланна. Бу ыам ыйын 6 күнүгэр диэри ыытыллар.
Онтон ыам ыйын 9 күнүгэр Улуу Кыайыыны уһансыбыт ытык дьоммут мэтириэттэрэ медиафасадтарга, экраннарга, телеханаалларга уонна социальнай ситимнэргэ көстөн барыахтара.
Аахсыйаҕа кыттарга ыам ыйын 6 күнүгэр диэри 2025.polkrf.ru эбэтэр ВКонтакте уонна в Одноклассниктарга дьоҕус сыһыарыыларга регистрацияланаҕыт. Маныаха дьоруойгут туһунан биэриэхтээххит: араспаанньатын, аатын, аҕатын аатын, уо.д.а. Аҕа дойду уоттаах сэриитин дьоруойун хорсун быһыытын толору устуоруйатын РФ Өйлбөт үйэлээх полк саайтыгар хаалларыахха сөп. Дьоруой туһунан иһитиннэриини хайдах хомуйары Двидение саайтыгар «Помощь в поиске» киирэн көрүөххэ сөп. Маны сэргэ саайтка бэтэрээн хаартыскатын саҥардыахха уонна өйнөөх гына оҥотторуохха сөп.
—Биһиги эрэгийиэннээҕи отделениебытыгар Өлбөт үйэлээх полк модерациятыгар 30-ча волонтер-модератор үлэлиир. Биһиэхэ ХИФУ историяҕа факультетын устудьуоннара, гуманитарнай чинчийии уонна хотугу аҕыйах ахсааннаах норуоттар институттарын историк-учуонайдара, Аҕа дойду уоттаах сэриитин хасыһан дириҥник үөрэтэр дьон кыттыстылар, — диэн «Өлбөт үйэлээх полк» Бүтүн Арассыыйатааҕы гражданскай-патриотическай хамсааһын эрэгийиэннээҕи отделениетын салайааччыта Ньургуйаана Стручкова кэпсээтэ.
Санатар буоллахха, «Өлбөт үйэлээх полк» Бүтүн Арассыыйатааҕы аахсыйа Саха сиригэр өрөспүүбүлүкэ бары нэһилиэнньэлээх пууннарыгар очнай киэбинэн ыытыллар. Дьокуускайга хаамыы Хабаров уулуссатынан ааһар. Кыттыылаахтар колонналара хаамыытын Чиряев искибиэриттэн саҕалыыр. Колоннаҕа хаамааччылар 11 чаастан түмсэллэр. Бу тэрээһин кэмигэр массыыналар барбаттарын-кэлбэттэрин курдук уулуссалар сарсыарда 8 ч. сабыллыахтара. Колонналар хаамар уулуссаларын бүтэһигэр, Богатырев уулуссатыгар, «Бессмертный полк России» хаартыскаҕа түһэр сир былааннанар.
Саха сиригэр «Өлбөт үйэлээх полк» аан бастаан 2013 сыллаахха тэриллибитэ. Үгэс буолбут киэбинэн тэрээһин 2022 сыллаахха бүтэһигин ыытыллыбыта. Ол кэнниттэн аахсыйа кэтэхтэн киэбинэн буолбута. Аҕа дойду уоттаах сэриитин бэтэрээннэрин, эһэлэрин, хос эһэлэрин хаартыскалара социальнай ситимнэргэ, таҥаска-сапка, массыыналарга баар буолбута.
СӨ Ил Дарханын уонна Бырабыыталыстыбатын пресс-сулууспата
Дьокуускайга Аҕа дойду сэриитин кыттыылааҕа Наум Слепцов бирииһигэр бэтэрээннэр уонна ыччаттар сүүмэрдэммит хамаандаларын икки ардыларыгар…
Муус устар 28 күнүгэр Саха Өрөспүүбүлүкэтин Ил Дархана Айсен Николаев өрөспүүбүлүкэ оскуолаларыгар саҥа көлө күлүүстэрин…
Саха киһитэ санаата түһэн, сүрэ тостон, олоххо тардыһыыта сүтэн бардаҕына, алгысчыты ыҥыран сиэри-туому толоруохха сөп.…
Бу күннэргэ Таатта улууһун баһылыга Айаал Бурцев улуус дьаһалтатын салайааччыларын, Манчаары оонньууларыгар эппиэттээх хамыыһыйалары кытта…
Хатыҥ мүөттээх сэбирдэҕин чэйгэр кутан иһэ сырыттаххына, бүөргэр-быаргар туһалаах. Салаакка мэлдьи моркуоп, сүбүөкүлэ, оҕурсу, укуруоп…
Ил Дархан Айсен Николаев Дьокуускайга Каландаришвили уулуссатыгар кэтээн көрөр саҥа сүрүннүүр кииҥҥэ сырытта. Кини бу…