Өлбүт аҕатын аатыгар кирэдьиит ылбыт

Саха сиригэр 32 саастаах киһиэхэ суут бириигэбэрэ таҕыста. Кини өлбүт аймахтарын счеттарыттан харчы уорбут уонна кирэдьиит оҥотторбутун диэн Арассыыйа ИДьМ тырааныспарга Хотугулуу-Илиҥҥи управлениета иһитиннэрэр.

Тырааныспар полициятын силиэдэбэтэллэрэ быһаарбыттарынан, эр киһи аҕата өлбүтүн кэнниттэн кини сим-каартатын бэйэтин төлөпүөнүгэр туруоран, баан сыһыарыытын туһанан, өлбүт аҕатын аатыгар барыта холбоон 600 тыһ.солк. кирэдьиит ылбыт. Ол харчыны бэйэтин наадаларыгар бараабыт.

Итини таһынан эр киһи өлбүт эбэтин төлөпүөнүн туһанан, эбэтэ тыыннааҕар ылбыт социальнай төлөбүрдэрин баан счетуттан уоран ыла сылдьыбыт. Барыта холбоон 90 тыһ.солк. ылбыт.

Быраабы утары дьайыылары баан үлэһиттэрэ бэлиэтии көрөннөр, тырааныспар полициятыгар иһитиннэрбиттэр. Саха сиринээҕи суут эр киһини буруйдааҕынан билинэн, 4 сылга усулуобунайдык көҥүлүн хааччхатыырга уураахтаабыт.