Өлбүт киһи каартатынан атыыласпыт

Нерюнгритааҕы ИДьМ дьуһуурунай чааһыгар өлбүт быраатын счетуттан 23 тыһ.солк. уоруллубутун туһунан дьахтар сайабылыанньа суруйбут. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ маныаха 54 саастаах дьахтар уорбаланарын быһаарбыттар. Кини бу эр киһини кытта эрдэ бииргэ олорбуттар эбит.

Быһаарыллыбытынан, эр киһи өлүөн иннинэ бу дьахтарга каартатын куруук биэрэр эбит. Онон дьахтар пин-коду билэр. Эр киһи каартатыгар биэнсийэтэ түспүтүгэр, дьахтар ону устан ылбыт уонна туттубут.

«Уоруу» диэн ыстатыйанан холуобунай дьыала тэрилиннэ.