Хаартыска: Ил Дархан, бырабыыталыстыба дьаһалтатын пресс-сулууспата
Амур уобалаһыгар суол саахалыгар өлбүт дьон дьиэ кэргэттэригэр өрөспүүбүлүкэ бырабыыталыстыбата 300-түү тыһыынча солкуобайы төлүөҕэ. Бу туһунан бастакы вице-премьер Дмитрий Садовников иһитиннэрдэ. Ону тэҥэ, Мэҥэ Хаҥалас, Таатта, Бүлүү улуустарын дьаһалталара туспа төлөбүрү оҥоруохтара.
Бу кэмҥэ аймахтар сорохторо Сковородиноҕа бэйэлэрэ барбыттар, бүгүн сорохторун психолог уонна быыһааччылар арыаллаан илдьиэхтэрэ. Суут-мэдиссиинэ эспэртиисэтэ ыытыллыбытын кэнниттэн, өлүктэрин төрөөбүт дойдуларыгар аҕалыахтара, бу чааһыгар көмө толору оҥоһуллуоҕа.
Санатар буоллахха, элбэх киһи өлүүлээх суол саахала «Лена» федеральнай суолга балаҕан ыйын 21 күнэ үүнэр түүнүгэр буолбута. Микрооптуобус таһаҕас массыынатын ситэн ааһан иһэн, утары иһэр таһаҕас массыынатын кытары харсыһан, киирэн биэрбит. Ол түмүгэр сэттэ пассажир эмсэҕэлээн, алта киһи өлбүтэ, суоппар орто эчэйиилээх балыыһаҕа киирбитэ.
Бу Аллараа Бэстээх, Бүлүү улууһун Сатаҕай, Киров сэлиэнньэлэрин, Таатта Дэбиргэтин олохтоохторо — бары дьахталлар, Улан-Удэ куораттан кэлэн испиттэр.
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…