Женни Стрюкова хаартыската
Бүгүн ситэриилээх былаас отчуота Мэҥэ Хаҥалас Өлөчөй сэлиэнньэтигэр ыытылынна.
Физкултуура учуутала Руслан Алексеевка таһаарыылаах үлэтин иһин СӨ Үөрэҕин уонна билимин министиэристибэтин наҕараадата туттарылынна.
Мунньахха үгүс ыйытыы киирдэ. Ол курдук, аныгы ирдэбилгэ сөп түбэһэр оскуола хаһан тутулларын ыйыттылар. Кырдьык, оскуолалара эргэ тутуу. Улуус баһылыгын тутууга солбуйааччы Василий Филиппов быһаарбытынан, бу сылга эспэртиисэтин ылан, кэлэр сылга тутуутун туруорсуохтара.
Өлөчөйгө диэри үчүгэйэ диэн бөһүөлэктэр икки ардыларынааҕы гаас ситимин тутуута Бүтэйдээхтэн тардыллан бүппүт. Онон быйылгыттан «Сахатранснефтегаз» тэрилтэ дьиэлэргэ тардыыга үлэни саҕалыаҕа. Манна бэлэмнэнэн дьиэҕит-уоккут докумуонун гаас кэлэригэр бэлэмнээҥ диэн сүбэлээтэ отчуоттуур бөлөх салайааччыта, СӨ бырамыысыланнаска, геологияҕа миниистирин бастакы солбуйааччы Михаил Кириллин.
Нэһилиэнньэ гаас киириитигэр наадалаах тэриллэри булунуутугар сүбэҕэ наадыйарынан куораттан исписэлиистэр тахсан сиһилии быһаарыылара тэриллиэҕэ диэн быһаарыллыбытын дьон саамай сөп диэн биһирээтэ. Оборудованиены дьаһалта нөҥүө кииннээн бииргэ сакаастыыргыт ордук буолуо этэ диэн М.Кириллин сүбэлээтэ.
Онон гаас киирэн эрэриттэн үөрэллэрин биллэрдилэр уонна өрөспүүбүлүкэ Ил Дархана Айсен Николаевка истиҥ махталларын тиэртилэр. «Ынах төбөтүгэр субсидия көрүллэрэ — бу үчүгэй көмө, бу өйөбүл тохтообокко салгыы барарыгар баҕарабыт», — диэтэ К.Федорова.
Учууталлар, исписэлиистэр олохсуйалларын туһугар хаарбах дьиэ бырагырааматыгар киирсэн уопсай дьиэ тутар наадатын туһунан этии киирдэ.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…