Николай Матчитов: «Үөрүүбүт уонна махталбыт муҥура суох»

Биллэрин курдук, Саха сирин сайдыытыгар улахан  үлэни ыыппыт “Мин Сахам сирэ 21-с үйэҕэ” өрөспүүбүлүкэтээҕи үтүө дьыала хамсааһын 25 сыллаах үбүлүөйүн көрсө биир дьоһун тутуу Мэҥэ Хаҥалас улууһун Алтан нэһилиэгэр дьэндэйдэ. Онон соторутааҕыта Өлөчөйгө элбэх хайысхалаах култуура киинэ үөрүүлээхтик аһыллыбыта.

—  Саҥа култуура киинин күлүүһүн “Стройкомплектсервис” тэрилтэ салайааччыта Руслан Трофимов үөрүүлээх быһыыга-майгыга туттарбыта. Олохтоохтор олус үчүгэй көстүүлээх култуура кииннэнэн, үөрүүбүт уонна махталбыт муҥура суох. Бу уораҕай нэһилиэк олоҕун сэргэхситиэ диэн эрэнэбит, — диэтэ Алтан нэһилиэгин баһылыга Николай Матчитов.

Алтан нэһилиэгэ быйыл күһүн гааска холбонон, кыстыкка этэҥҥэ киирдэ. Онон 2024 сыл нэһилиэккэ үтүө түмүктэрдээх буолла.

Хаартыска: Н.Матчитов ыытта