Өлөөн эбэҥки национальнай оройуона 76,74 % куоластаата

Бүгүн, балаҕан ыйын 10 күнүгэр, 15:00 ч. барыллаан дааннайынан, Саха сиригэр быыбарга кыттыы 41,74 % буолла, ол эбэтэр 269 650 киһи куоластаата.

Өлөөн эбэҥки национальнай оройуона таһымын түһэрбэккэ нэһилиэнньэ быыбарга кыттыытынан бастаан иһэр. Ол курдук, 15:00 ч. барыллаан дааннайынан, манна 76,74 % киһи куоластаата.

Биэс бастыҥнар истэригэр Үөһээ Бүлүү – 67,39 %, Горнай – 65,55 %, Анаабыр национальнай (долган-эбэҥки) – 64,65 %, Уус Алдан – 63,27 % улуустара киирэллэр. Манна бэлиэтээн эттэххэ, Анаабыр национальнай (долган-эбэҥки) улууһа көрдөрүүтүнэн, бу иннинэ Үөһээ Бүлүү улууһун кэнниттэн испитэ, ону Горнай улууһа ситэн ааста.

Санатан суруйдахха, Саха сиригэр быыбар бүгүн киэһэ 20:00 ч. бары быыбардыыр учаастактарга түмүктэнэр.