Өлөөн өрүскэ биир киһи сураҕа суох сүппүт

Бүгүн, бэс ыйын 22 күнүгэр, Өлөөн улууһун Биир кэлим дьуһуурунай-диспетчерскэй сулууспатыгар заповедник икки үлэһитэ ууга түспүттэрин туһунан иһитиннэрии киирбит.

Биир киһи Өлөөн өрүскэ  ууттан тахсыбатах, сураҕа суох сүппүт.

Бу туһунан Саха сиринээҕи Быыһыыр сулууспата иһитиннэрэр. Биир киһи биэрэк кытылыгар тахсыбыт, оттон иккис киһи сураҕа суох сүппүт. Билиҥҥи туругунан олохтоох нэһилиэнньэ күүһүнэн көрдүүр үлэлэр саҕаланнылар. Быһылаан Саха сирин Быыһыыр сулууспатын хонтуруолугар турар.