М.Николаева
Өлөөн улууһун табаһыттарыгар ыарахан соҕус сыл ааста. Ол курдук, саас саркоптоз ыарыы кыыл табаттан сыстан, онно биир биригээдэ табата ыалдьан, түбүк бөҕө көрсүбүттэр.
— Хата, бэтэринээринэй сулууспа тута табаһыттары уонна тыа хаһаайыстыбатын управлениетын үлэһиттэрин кытта саба түһэн, күүскэ үлэлээн, бу ыарыыны кыайдыбыт. Күһүҥҥү хараалга ДьГТХА-тан саҥа эмп кэлэн, быһыы бэрилиннэ. Ону тэҥэ сэтинньи ый саҥатыгар кыыл таба кимэн киирэн, иэдээни таһаара сыста. Ол эрээри табаһыттарбыт барахсаттар түүннэри табаларын манаан, син быыһанныбыт. Бу ыарахан кэмҥэ улуус баһылыга Иван Саввинов “Алмазы Анабара” хампаанньаны ( А.А.Окороков) кытта кэпсэтэн, бөртөлүөт көтүтэн, көмөнү оҥордулар, — диэн саҥа сыл иннинэ санаатын “Өлөөн” МУП зоотехнига Марина Николаева үллэһиннэ.
Ол эрээри, кыыл таба үөрүн кэнниттэн адьырҕа кыыл – бөрө үөрэ ыстаадаларга кэлэн, түбүгү элбэппит. Күн бүгүҥҥэ диэри уолаттар бөрөлөрү сонордоһо сылдьаллар эбит. Хомойуох иһин, дьаат бобуллан, бу кыыл олус элбээн, кыайтарбат буолан эрэрин туһунан исписэлиис муҥатыйар.
Хаартыскаҕа: бөрө табаны тардыбыт. М.Николаева ыытта.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…