Бырайыак сүрүн соругунан – олохтоохторго, байыаннай эпэрээссийэҕэ сылдьар байыаннай сулууспалаахтары уонна кинилэр дьиэ кэргэттэрин өйүүр дьаһаллар тустарынан билиһиннэрии, өрөспүүбүлүкэ ыытар граннарыгар кыттыыга сүбэ-ама биэрии уонна оҕону, ыччаты патриотическай иитиигэ аналлаах тэрээһиннэри ыытыы буолар.
Сарсыҥҥыттан ыччаттар Өлөөҥҥө үлэлэрин саҕалыахтара. «Өлөөн оройуонун сайдыыта», «Патриотическай иитии», «Чэгиэн олох сиэрэ», «Ыччаты кытары бөлөҕүнэн психологическай үлэ» тиэмэлэринэн тус-туспа былаһаакканан үлэлиэхтэрэ. Итини таһынан, Өлөөн олохтоохторугар «ZЕМА» өрөспүүбүлүкэтээҕи ыччат хамсааһынын үлэтин-хамнаһын туһунан кэпсиэхтэрэ. Ыччат көҕүлээһинэ итини сэргэ саха фольклоругар маастар-кылаас биэриэ, ырыаҕа-тойукка үөрэтиэ.
Десант састаабыгар психологтар бааллар, кинилэр анал байыаннай дьайыыларга сылдьар дьон дьиэ кэргэттэригэр, аймахтарыгар уонна ыччаттарга психологическай сүбэлэри биэриэхтэрэ. Онтон Өлөөн орто оскуолатын үөрэнээччилэригэр «Фронтовая открытка» аахсыйаны уонна Эр санааланыы уруогун ыытыахтара. Киэһэтин «Илкит» култуура киинигэр концерт көрдөрүөхтэрэ.
Салгыы ыччат көҕүлээһинэ Кирбэй национальнай нэһилиэгэр итинник бырагырааманан үлэлиэ. Ыччат десана номнуо алтыс оройуонугар үлэлиир. Бу иннинэ Алдан, Нерюнгри, Анаабыр, Абый уонна Муома улуустарыгар эмиэ үлэлээн, дьону кытары көрсөн, көмө оҥорбуттара. Сыл бүтүүтэ ыччат десана Кэбээйи улууһугар тиийэрэ былааннанар.
От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий? Хой Ый саҥата саҥа билсиһии буолара…
Ааспыт сууккаҕа Ленскэй оройуонугар биир ойуур баһаара умуруоруллубут. Бүгүҥҥү иһитиннэриинэн, суукка саҕаланыытыгар, өрөспүүбүлүкэ сиригэр-уотугар ойуур…
Уус Алдан улууһугар Суотту нэһилиэгин Хоноҕордооҕу "Түһүлгэ" СК "Алыптаах аартыктары арыйан..." сылаас тыыннаах олус истиҥ…
ЫБММ үлэһитэ эдэр дьахтары эчэппит уонна кини сокуоннай сааһын ситэ илик балтыгар сыстаҥнаабыт. Бу туһунан…
Айылҕаҕа, тыаҕа сырыттахха олоххо киһи үөйбэтэх өттө ардыгар буолуон сөп. Мантан сайын сир аһын кэмигэр…
СӨ ИДьМ пресс-сулууспата иитиннэрбитинэн, ыам ыйын 18 күнүгэр, Дьокуускай куорат 1-кы №-дээх полиция салаатыгыр мэдиссиинэ…