2019 сылтан дойду Бэрэсидьиэнэ Владимир Путин көҕүлээһининэн, оҕо ис кыаҕын арыйар сыаллаах «Үөрэхтээһин» нацбырайыак чэрчитинэн «Хас биирдии оҕо ситиһиитэ» федеральнай бырайыак олоххо киирбитэ.
Бу туһунан СӨ Үөрэҕин наукатын министиэристибэтэ иһитиннэрэр.
2023 сылтан бырайыак кэҥээн, саҥа «Обновление материально-технической базы образовательных организаций оборудованием, современными средствами обучения и воспитания» хайысха киирбитэ. Ол курдук үөрэх тэрилтэлэрэ саҥа аныглыы оҥоһуулаах оборудованиелары ылаллар уонна онон үөрэнээччилэргэ эбии үөрэхтээһиҥҥэ саҥа үөрэх миэстэтэ тэриллэр.
Бу бырайыак чэрчитинэн материальнай-тиэхэньиичэскэй баазатын Өлөөн эбэҥки национальнай оройуонун Өлөөн сэлиэнньэтин Оҕону эбии үөрэхтээһин киинэ саҥардыа. Киин үлэһиттэрэ билигин саҥардыллыбыт кабинеттарын аһарга бэлэмнэнэллэр, кинилэр «естественнэй-научнай» хайысханан саҥа оборудование ылыахтара. Киин дириэктэрэ Мария Попова кэпсээбитинэн, гидрохимичэскэй хонуу баазатын, экология цифровой лабораториятын, лазер указканы-презентаторы ылбыттар.
«Биһиги оҕолор дьарыктанар саҥа кабинеттарын аһыллыытын олус күүтэбит. Материальнай-тиэхэньиичэскэй баазаны хааччыйыынан саастарынан улаатар паарталары уонна устууллары ыллыбыт. Педагогтар күүстэринэн дизайн уонна кабинет ис оҥоһуута ситэриллэр. Биһиги оҕолорбут тиэхэньиичэскэй, декоративнай-прикладной, физкултуурунай-усупуорт, социальнай-педагогическай хайысхаларга ситиһиилээхтэр. Араас таһымнаах куонкурустарга кытталлар. Оттон педагогтарбыт эмиэ маастарыстыбаларын, идэлэрин көрдөрөр араас таһымнаах күрэстэргэ ситиһиилээхтэр», — диэн кэпсиир дириэктэр Мария Попова.
Бэлиэтээн эттэххэ, бу киин «Муниципальнай (тирэх) эбии үөрэхтээһин киинэ» статуһу ылбыта, 2021 с. «Өрөспүүбүлүкэтээҕи инновационнай былаһаакка» хандьыдаатыгар киирбитэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…