Хаартыска: Мария Васильева, СИА.
Быйыл Өлөөн эбэҥки национальнай улууһугар төрдүс төгүлүн ньоҕор балык (тугунок) күнүн бырааһынньыктыахтара. Бу бырааһынньыгы аан маҥнай 2021 сыллаахха ууга, айылҕа баайыгар харыстабыллаахтык сыһыаннаһар, ону тэҥэ, хотугу аҕыйах ахсааннаах омуктар хаһаайыстыбаларын төрүт үгэстэрин сайыннарар соруктаах ыытыллыбыта.
Өлөөн улууһун баһылыга Лена Иванова быйыл 23 хамаанда кыттарын иһитиннэрдэ. Кинилэр бары куонкурус балаһыанньатыгар олоҕуран хааччыллыбыт, тэриммит буолуохтаахтар.
“Бары сөбүлүүр балыкпыт, биллэрин курдук, ыраас өрүскэ үөскүүр, онон биһиги айылҕаҕа төһө сөпкө сыһыаннаһарбыт туоһутунан буолар, ону салгыы тутуһуохтаахпыт. Биһиги сорукпут – оҕону кыратыттан айылҕаҕа, уубутугар, айылҕабыт баайыгар харыстабыллаахтык сыһыаннаһарга үөрэтиэхтээпит, хотугу аҕыйах ахсааннаах төрүт омуктар олохсуйан кэлбит үгэстэригэр сыһыарыахтаахпыт”, – диэн Өлөөн улууһун баһылыга этэр.
Нэһилиэнньэ сөбүлүүр бырааһынньыгар улууска бэлэмнэнии барбыта ырааппыт. Тэрийэр кэмитиэт үлэлиир хамыыһыйата бырааһынньык, күрэхтэһии, атыы-эргиэн ыытыллар миэстэтин бэлэмнээбит. Култуура управлениета бырааһынньыкка улахан суолталаах сиэр-туом чааһыгар бэлэмнэнэр.
“Өлөөн олохтоохторо ким сымсатын, үөрүйэҕин быһаарсаары, сатабылын көрдөрөөрү бу күнү сыллата кэтэһэллэр. Өрүү буоларыныы ыалдьыттары – Удачнинскайдааҕы ХБК, Мииринэйтэн, Дьокуускайтан алтыһар дьоммутун кэтэһэбит” – диэн Лена Иванова бэлиэтиир. Бу туһунан Ил Дархан уонна Бырабыыталыстыба пресс-сулууспата суруйар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…