Хаартыска: Андрей Сорокин, СИА
Бүгүн, атырдьах ыйын 18 күнүгэр, Өлөөн эбэҥки национальнай улууһугар Ил Дархан Айсен Николаев оробуочай сырыытыгар Өлөөн сэлиэнньэтигэр икки элбэх кыбартыыралаах дьиэлэр тутууларын бэрэбиэркэлээтэ. Дьиэлэр “Олорор дьиэ уонна куорат эйгэтэ” национальнай бырайыак чэрчитинэн олохтоохтору хаарбах дьиэлэртэн көһөрөр сыаллаах тутуллаллар.
3 мэндиэмэннээх, 30 кыбартыыралаах дьиэлэр 4,1 тыһ. кв миэтэрэ кэриҥэ иэннээхтэр. Тутуу 2022 сыл балаҕан ыйыгар саҕаламмыта. Билигин тутааччылар ис уонна тас истиэнэлэри уурар үлэлэри ыыталлар. Эбийиэктэри тутуу үлэтэ 40%-на оҥоһуллубут.
Дьиэ истиэнэлэрэ монолитнайдар, ону таһынан, эбии армированиенан күүһүрдүллүбүттэр. Бу маннык ньыма Саха сиригэр бастакытын туттуллар. Бастакы дьиэҕэ олохтоохтор 2023 сыл төрдүс кыбаарталыгар, оттон иккис – 2024 сылга киириэхтэрэ диэн тутуу тэрилтэтин үлэһиттэрэ этэллэр.
Ил Дархан Айсен Николаев бэрэбиэркэ түмүгүнэн дьиэлэри кэмигэр бүтэрэн үлэҕэ киллэрэргэ сорудахтаата.
Санатан суруйдахха, «2019-2025 сс. олохтоох дьону хаарбах олорор дьиэ пуондатыттан көһөрүү» өрөспүүбүлүкэтээҕи аадырыстаах бырагырааматыгар Өлөөн эбэҥки национальнай улууһун 95 элбэх кыбартыыралаах дьиэ киирбитэ. 2020 сылтан саҕалаан саҥа дьиэлэргэ уопсайа 80 дьиэ кэргэн көспүт, 9 элбэх кыбартыыралаах дьиэ тутуллубут.
Эльдар Садовников
Бүгүн, ахсынньы 25 күнүгэр, Дьокуускайга 1-8 кылаас үөрэнээччилэригэр актированнай күн биллэрилиннэ. Бу туһунан Дьокуускай куорат…
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…