Хаартыска: "Алмаасэргиэнбаан" тиксэриитэ
Быйыл кулун тутарга тэриллибит “Өлөөн” дьыалабыай кулууп кыттыылааҕа “Алмаасэргиэнбаан” Өлөөн улууһун дьоҕус уонна орто предпринимательствотын өйөөһүҥҥэ кыттарга бэлэм.
Кулун тутарга “Өлөөн” дьыалабыай кулууп экспердэрин сырыытын чэрчитинэн буолбут улуус урбаанньыттарын кытары көрсүһүү түмүгүнэн “Алмаасэргиэнбаан” бастакы бырайыагы өйүөн сөбүн туһунан бигэргэппитэ. Ол бырайыак – эдэр урбаанньыт Василий Харабаев Өлөөн сэлиэнньэтигэр сибиэһэй үүтү бэлэмнииргэ социальнай көҕүлээһинэ этэ. Кини хайыы үйэ атын бырайыактары олоххо киллэрбит үөрүйэхтээх – Өлөөн олохтоохторун ыраас бытыылкалаах уунан хааччыйар.
Урбаанньыт көҕүлээһинин быһыытынан, аныгы тэриллэрдээх уонна үрдүк таһымнаах исписэлиистэрдээх собуот тутуллуон сөп. Собуот саҥа оробуочай миэстэлэри таһаарарын сэргэ, бастатан туран, үүт бородууксуйатын атын эрэгийиэннэртэн аҕалыы ороскуотун аччатыахтаах, нэһилиэнньэни удамыр сыаналаах сибиэһэй хаачыстыбалаах үүт бородууксуйатынан хааччыйыахтаах. Василий Харабаев этэринэн, Хотугу сиргэ үүт бородууксуйата тастан аҕалыллар, ол иһин, үүт биир паачкатын сыаната 200-300 солкуобайга тиийиэн сөп.
“Алмаасэргиэнбаан” бэрэстэбиитэллэрэ бэлиэтииллэринэн, үүт бородууксуйатын оҥорон таһаарыыга көҕүлээһини өйөөһүн Саха сирин атын улуустарыгар эмиэ сайдыан сөп.
Үүт бородууксуйатын оҥорууга көҕүлээһини бу сылга олоххо киллэрэргэ былаанныыллар. Билигин эдэр урбаанньыт Василий Харабаев биисинэс-былаанын ситэрэр, ону хайыы үйэ баан сиһилии үөрэттэ уонна улахан бырайыактары олоххо киллэрбитин үөрүйэҕинэн, бэйэтин этиилэрин эмиэ киллэрдэ.
«Биһиги үбүнэн эрэ өйөөнүнүнэн муҥурдана сатаабаппыт. Саха сирин ыраах сытар улуустарын урбаанньыттара бэйэлэрин социальнай көҕүлээһиннэрин эрэллээхтик олоххо киллэрэллэрин уонна бэйэлэрин кыраайдара сайдарын өйүүллэрин туһугар, оҥорон таһаарыы бырайыактарын олоххо киллэрии экспертизаларын үллэстэргэ бэлэммит”, — диэн АЭБ Корпоративнай биисинэскэ департаменын дириэктэрэ Егор Спиридонов бэлиэтээтэ.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…