Өлөөҥҥө 94 саастаах ытык кырдьаҕас РФ Бэрэсидьиэнин быыбарыгар куоластаата

Бүгүн, кулун тутар 16 күнүгэр, Арассыыйа бэрэсидьиэнин талар быыбар иккис күнэ өрө көтөҕүллүүлээхтик ыытыллар.

Өлөөҥҥө дьон-сэргэ быыбарга көхтөөхтүк кытталлар. Тыыл, үлэ бэтэрээнэ, Өлөөн ытык кырдьаҕаһа, СӨ тыатын хаһаайыстыбатын үтүөлээх үлэһитэ Николай Иванович Николаев Арассыыйа Бэрэсидьиэнин талар быыбарга үөрэ-көтө кэлэн куоластаата.

Бу ый 23 күнүгэр кини 95 сааһын туолар. Николай Иванович 10 оҕо тапталлаах аҕата, чөл олоҕу өрө тутар, успуорт бэтэрээнэ, биллэр-көстөр дуобатчыт, саахыматчыт Николаевтар удьуордара. Кини нэһилиэк, улуус киэн туттар, үтүө холобур оҥостор ытык киһитэ.