Өлөөҥҥө балыксыттар, табаһыттар болдьоҕун иннинэ куоластаатылар

Өлөөн улууһун Кирбэй национальнай нэһилиэгин 486 №-дээх учаастактааҕы быыбардыыр хамыыһыйатын чилиэннэрэ (бэрэссэдээтэл Наталья Реворьевна Николаева) Өлөөн өрүһү өксөйөн, суола-ииһэ суох ыраах сирдэргэ тиийэн болдьоҕун иннинээҕи куоластааһыны ыыттылар.

Учаастактааҕы быыбардыыр хамыыһыйа чилиэннэрэ, хандьытаат аатыттан кэтээн көрөөччүлэр мотуордаах оҥочонон быыбардааччыларга бардылар. Барыта 11 киһи — балыксыттар, табаһыттар куоластаатылар, диэн иһитиннэрэр Быыбар киин хамыыһыйатын тг-ханаала.