Бу күннэргэ биир үөрүүлээх сонуну иһиттибит. «Өлөөннөөҕү хоту дойду норуоттарын историко-этнографическай мусуойа» (дириэктэр Бенчик Н.В.) өрөспүүбүлүкэ Ил Дарханын Айсен Николаев илии баттаабыт Өлөөн улууһун сайдыытыгар туһуламмыт сорудахтарын кэрискэтигэр киирдэ. Онон урукку сопхуос саҕанааҕы дьиэҕэ үлэлии олорбут мусуой саҥа дьиэлэнэр кыахха киирдэ. 2024 сылга бырайыага оҥоһуллан бүтүөхтээх.
Мусуой үлэһитэ Саргылана Павлова этэринэн, манна 4438 экспонат баар. Итинтэн 579 бастайааннай экспонакка турар. Сылга 1900 киһи мусуойга сылдьара бэлиэтэммит. Култуура үтүөлээх үлэһитэ Прокопий Саввинов экскурсияларын дьон олус астынан истэр.
Өссө биир сонунунан археолог Никита Архипов булан, бэлэхтээбит 18 үйэтээҕи оҕуруонан тигиллибит таҥас Москваҕа реставрацияҕа илдьиллибит. Дириэктэр Наталья Владимировна бу мал чөлүгэр түстэҕинэ, Москваҕа » Биир экспонат быыстапката» диэни тэрийэр баҕалаахтар. Онон саҥа дьиэлэннэхтэринэ, үлэлэрэ өссө тупсуо. Өлөөн национальнай эбэҥки улууһун экспонаттарын үгүс киһи кэрэхсиэ. Бүгүн мусуойга бырабыыталыстыба отчуоттуур бөлөҕө сырытта.
Хаартыска: ааптар уонна Вероника Павлова.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…