Өлөөҥҥө муус анныгар сүппүт биир киһи өлүгэ булулунна

Чэппиэргэ, сэтинньи 7 күнүгэр, Өлөөн улууһугар муус анныгар барбыт снегоход сириттэн 300 миэтэрэ тэйиччи биир сүппүт киһи өлүгүн буллулар.

Санаттахха, икки киһилээх снегоход айааннаан иһэн муус анныгар барбыта бу сыл сэтинньи 3 күнүгэр киэһэ булуллубута. Ол күнтэн ыла дьону көрдөөһүн үлэтэ саҕаламмыта.

Бүгүн биир киһи өлүгүн буллулар. Көрдүүр үлэлэри күүһүрдэргэ Быыһыыр сулууспа водолазтара көтүөхтэрэ.

«Ол сиргэ өрүс күүстээх сүүрүктээх. Эр киһи өлүгүн 300 миэтэрэ тэйиччи булбуттар. Өрүс мууһа сорох сиринэн тура илик, кыдьымахтаах. Биһиги водолазтарбыт анал уу анныгар көрөр камералардаахтар», — диэн Саха сиринээҕи Быыһыыр сулууспатын начаалынньыга Иннокентий Андросов кэпсээтэ.