Н.Колодезникова ыытта
Ааспыттааҕы күнү-дьылы билгэлииригэр Тускул Өлөөн улууһун күнэ-дьыла Саха сирин күнүн-дьылын оҥорор диэбитэ. Ол иһин, Өлөөн улууһун Харыйалааҕар хайдах күн-дьыл турарын туһунан сураспыппытыгар Надежда Колодезникова маннык хоруйу ыытта:
— Өлөөҥҥө урут баччаларга уһун тымныылар турар буоллахтарына, бу кэлин сылларга күһүн уһаан, улахан тымныылар ахсынньы, тохсунньу ыйдарга улаханнык бэлиэтэнэр буолан иһэллэр. Ол курдук, бу күннэргэ сылаас, хаар үллүктээх күн-дьыл тура сатаата. Бу сэтинньи ый 23 күнүттэн тымныйан, 43 кыраадыһы көрдөрдө. Хаар халыҥаан, көтөр-сүүрэр тохтоон, хонук сиригэр хорҕойор. Арай куруппааскы, куобах орох тэппит суола дыргыйан көстөр. Бөһүөлэк таһыгар эбэ арыытыгар, үрэх талахтарыгар суоллара элбэх. Көмнөх хаара мас төбөтүгэр ыйанан турара остуоруйа алыптаах түгэнин санатар.
Өлөөн эбэ харгылара сорох сирдэринэн баччааҥҥа диэри аһаҕас сыталлара сырыы-айан киһитигэр мэһэйдээх. Бу күннэргэ тыаллаах, чысхааннаах буолан синньигэс талахтар көмнөхтөрүн тэбэнэллэр. Ол да буоллар, кыһын син-биир бэйэтин кэлэр кэмигэр төһө да хойутаан кэллэр, тымныытын биллэрэр, тыалынан силбиэтэнэр.
Хаартыска: Н.Колодезникова ыытта
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…