Өлөөҥҥө сыл бүтүүтэ эргиэн-логистика киинэ арыллыаҕа

Өлөөн оройуонун киинигэр сыл бүтүүтэ эргиэн-логистика киинэ тутуллан үлэҕэ киириэҕэ. Бу эбийиэк дойду бэрэсидьиэнэ Владимир Путин Арктика сирин-уотун,  дьонун-сэргэтин өйүүр бэлиитикэтин иитинэн тутуллар.

Эбийиэк уопсай иэнэ — 530 кв.м. Тымнытар камералар, оҕуруот аһын хаһаанар ыскылаат, сылаас ыскылаат баар буолуоҕа. Аныгылыы тэрилинэн хааччыллыаҕа. Аһы сибиэһэйдик хаһаанарга сөптөөх усулуобуйалаах буолуоҕа.

Ил Дархан Айсен Николаев көҕүлээһининэн билигин 13 арктическай оройуоҥҥа маннык кииннэр тутулла тураллар.